गोबर ले बनाये गए फ्लोटिंग दीया, इंग्लैंड अऊ कनाडा घलोक जात हे

दुर्ग, ये देवारी देश-विदेश म भिलाई के गोबर ले बने फ्लोटिंग दीया के विशेष रूप ले डिमांड पैदा होए हे। गोबर के बने फ्लोटिंग दीया सुंदर तो हेच, देर तक पानी म तैरे के सेती ले ये बहुत सुंदर नजारा प्रस्तुत करत हे। ये इकोफ्रेंडली घलोक हे ये खातिर देश भर म ये दीया बेंचात हे। ये संबंध म जानकारी देवत दीया बनइया संस्था उड़ान नवा दिशा समूह के अध्यक्ष श्रीमती निधि चंद्राकर ह बताइस कि कार्तिक पूजा अऊ छठ म नदी अऊ सरोवर मन म दीया ढीले के नियम होथे। अइसन म गोबर ले बने दीया तइरत रहिथे अऊ पूरा नदी म बहुत सुंदर नजारा प्रस्तुत करथे। श्रद्धालु मन ए दीया ल बहत देर तक देखत रहिथें। वोकर बताती एखर अलावा ये दीया इको फ्रेंडली घलोक हे। प्रकृति ल नुकसान नइ पहुंचावय। एखर संगेच कांच के सुंदर बर्तन म ए दीया ल सजाये ले पूजा के बहुत सुंदर वातावरण एखर से बनथे। दीपावली ल लेके विशेष प्रकार के तैयारी करे गए हे। देश भर म दीया के बनेच डिमांड आवत हे। समूह तीर चंडीगढ़, अहमदाबाद, टाटा नगर अऊ लखनऊ ले घलोक आर्डर आये हे। एखर अलावा विदेश म इंग्लैंड अऊ कनाडा ले घलोक बने डिमांड आए हे। निधि ह कहिस के हमन हमेशा नवा नवा परयोग करथन अऊ ये पइत घलोक दीया के सजावट उपर विशेष रूप ले काम करे हन। जानबा हे के प्रदेश म स्व-सहायता समूह मन ल बढ़ावा देहे के उदीम के अच्छा असर दिखत हे। दीवाली के बाजार स्थानीय उत्पाद मन ले सजत हे। केवल प्रदेश भर म ही न हीं, प्रदेश के बाहिर घलोक ए सुंदर कलाकृति मन के डिमांड आवत हे।