दुर्ग, मुख्यमंत्री श्री भूपेश बघेल ह आज दुर्ग म कहिन हे कि दुर्ग शहर के बीच म बहुत अकन शासकीय जमीन हावय। एखर विकास बर समन्वित योजना तियार करा जात हे। एखर से न केवल अधिकारी-कर्मचारी मन के घर के समस्या हल होही भलुक अधिवक्ता संघ जइसे संगठन मन बर घलोक अपन गतिविधि मन बर भवन मिल पाही। मुख्यमंत्री श्री बघेल आज दुर्ग स्थित मानस भवन म आयोजित दुर्ग जिला अधिवक्ता संघ के पदाधिकारी मन के शपथ ग्रहण समारोह ल सम्बोधित करत रहिन।
उमन कहिन कि मैं जब वकील मन के बीच आथंव त मोर दिमाग म काला कोट पहिर के आजादी के लड़ाई लड़े रहे स्वतंत्रता संग्राम सेनानी मन के फोटू खींचथे। राष्ट्रपिता महात्मा गांधी, पंडित जवाहर लाल नेहरू, सरदार वल्लभ भाई पटेल, डॉ. भीमराव अम्बेडकर, एक सिलसिला जइसे बन जाथे, दिमाग म। आजादी के लड़ाई म वकील मन के बड़का योगदान रहे हे।
