दुर्ग जिला म सुरु होईस बस सेवा

दुर्ग, 8 जुलाई 2020। छत्तीसगढ़ शासन अउ परिवहन मंत्री श्री मो. अकबर द्वारा बस आपरेटर के कई ठन मांग उपर विचार करत यात्री बस ल जून 2020 म टैक्स म छूट प्रदान करे गए हे। जेखर ले जिला के बस आपरेटर मन ल लगभग 75 लाख रूपिया के टैक्स म छूट मिलही।
दुर्ग ले कई ठन रद्दा म बस सेवा चालू करे गए हे।

यात्री बस के विवरणः– रायपुर मार्ग म संचालित कुल 12 बस के समय बिहनिया 6.30 ले संझा 6 बजे तक, धमधा मार्ग म संचालित कुल 6 बस के समय बिहनिया 7 बजे ल संझा 5 बजे तक, पाटन मार्ग म संचालित कुल 7 बस के समय बिहनिया 6 बजे ले संझा 5 बजे तक, दल्लीराजहरा मार्ग म संचालित कुल 6 बस के समय बिहनिया 6 बजे ले संझा 7 बजे तक ले, खैरागढ़ मार्ग संचालित कुल 6 बस के समय बिहनिया 8 बजे से संझा 6 बजे तक हे।

राज्य के भीतरी जादा दूरिहा के बस मन म अंबिकापुर, कोंटा अउ बैलाडीला बर कुल 4 बस हे। ये बस मन के अलावा बांचे बस मन ल उपयोग म नइ आवत वाहन के रूप म बिना टैक्स जमा करे, रखे के सुविधा घलव शासन कोति ले प्रदान करे गए हे। जेखर तहत अभी तक कुल 394 वाहन के सूची बस ऑपरेटर मन कोति ले कार्यालय म जमा करे गए हे। बस ऑपरेटर मन कोति ले बस मन के संचालन बने सहिन सेनेटाइज करे के बाद सुरु करे गए हे जे ह सरलग आगे घलव चालू रइही। मनखे मन ल यात्री बस सुविधा के जादा ले जादा लाभ मिल सकय ए खातिर अंतरजिला परिवहन बर ई-पास के बाध्यता ल माफ करे गए हे।

दुर्ग जिला म सुरु होईस बस सेवा