- कलेक्टर ह करिस पाटन ब्लाक के आंगनबाड़ी मन के दौरा, सुपोषण अभियान के क्रियान्वयन के प्रशंसा घलोक करिन
- अच्छा काम करत आंगनबाड़ी कार्यकर्ता–सहायिका मन ल चिन्ह के दनाम देहे के दीन निर्देश
दुर्ग, जिला म अब तक शून्य ले तीन साल के गंभीर कुपोषित लइका मन ल गरम पौष्टिक भोजन खवाए जात रहिस। अब ये मां मध्यम कुपोषित लइका घलोक सामिल होही। कलेक्टर श्री अंकित आनंद ह पाटन ब्लाक के आंगनबाड़ी मन के जांच के समय जिला कार्यक्रम अधिकारी श्री विपिन जैन ल ये संबंध म प्रस्ताव देहे ल कहिन। कलेक्टर ह आज देवादा, तर्रा, जामगांव, अरसनार, सांकरा, पंदर, दरबार मोखली, लोहर्सी के आंगनबाड़ी मन के जांच करिन। उमन इहां चलत मुख्यमंत्री सुपोषण अभियान के क्रियान्वयन के अवलोकन करिन। उमन आंगनबाड़ी कार्यकर्ता मन ले अऊ उहां उपस्थित गर्भवती माता अऊ शिशुवती माता मन ले बातचीत करिन। कलेक्टर ह कहिन कि मुख्यमंत्री सुपोषण अभियान के लक्ष्य कुपोषण ल पूरा खतम करना हे। एखर बर विभागीय दायित्व के संगेच मनखे मन ल जागरूक करना घलोक जरूरी हे। सामुदायिक भागीदारी बर सरलग गांव के जनप्रतिनिधि अऊ गणमान्यजन मन ले चर्चा करव। ये बेरा म जिला कार्यक्रम अधिकारी के संगेच पाटन ब्लाक के परियोजना अधिकारी सुमीत गंडेचा अऊ जितेंद्र साव घलोक उपस्थित रहिन।
अच्छा काम करत आंगनबाड़ी कार्यकर्ता अऊ सहायिका के होही सम्मान, चिन्हांकन के दीन निर्देश
पाटन ब्लाक के आंगनबाड़ी मन म आंगनबाड़ी कार्यकर्ता अऊ सहायिका मन कोति ले करे जात उदीम ले कलेक्टर ह प्रसन्नता व्यक्त करिन। उमन कहिन कि गंभीर कुपोषित अऊ मध्यम कुपोषित लइका मन के कुपोषण दूर करे के दिशा म अच्छा काम करत आंगनबाड़ी कार्यकर्ता अऊ सहायिका मन के सम्मान करव। उमन देवादा, पंदर, दरबार मोखली, लोहर्सी म होवत काम मन ल विशेष तौर म सहराइन। उमन कहिन कि अच्छा काम सरलग जारी रखव अऊ एखर बर सामुदायिक सहभागिता के संग काम करव। एखर से आप मन ल विशेष रूप ले मदद मिलही अऊ कुपोषण ले लड़े के उद्देश्य ल जल्द पाय म सफलता मिलही।
चिख के रेडी टू ईट, पैकेट के जांच घलोक करिन
सबो आंगनबाड़ी केंद्र मन म कलेक्टर ह रेडी टू ईट घलव चिखिन घलोक अऊ एकर पैकेट घलोक ल देखिन। पैकेट म निर्माण के तारीक अऊ आन बारीकी मन ले घलोक ओ मन संतुष्ट होइन। कलेक्टर ह केंद्र म अवइया शिशुवती अऊ गर्भवती माता मन ले घलोक बातचीत करिन अऊ भोजन के गुणवत्ता के संबंध म जानकारी लीन। महिला मन ह बताइन कि ओ मन ल पौष्टिक भोजन देहे जात हे अऊ इहां आके ओ मन ल अच्छा लागथे। उमन कहिन कि एनीमिया ले लड़े बर एनीमिक महिला मन ल पौष्टिक आहार देहे के व्यवस्था प्रशासन कोति ले करे गए हे। आप मन अपन भोजन म आंगनबाड़ी कार्यकर्ता मन कोति ले बताये गए पोषण के मुताबिक खाना खावव ताकि तेजी ले हीमोग्लोबिन के स्तर बाढ़ सकय।
