भिलाई, गुजरात के याना एग्रोइंपैक्स कंपनी के डायरेक्टर ह रायपुर के डामर सप्लायर राकेश अग्रवाल ले 58 लाख रुपए के ठगी करे हे। जामुल पुलिस ह आरोपी चिराग शाह के खिलाफ धोखाधड़ी के मामला दर्ज करे हे। पुलिस जल्दीच आरोपी ल पकड़े एक टीम गांधीनगर गुजरात भेजही। कुबेर अपार्टमेंट सेकण्ड फ्लोर 206 शंकर नगर रायपुर थाना खम्हारडीह निवासी राकेश अग्रवाल पिता स्व. राजाराम अग्रवाल (49 वर्ष) ह जामुल थाना म शिकायत दर्ज कराए हे। ओकर बताती याना एग्रोइंपैक्स कंपनी के डायरेक्टर चिराग शाह ह ओखर संग 57 लाख 96,194 रुपए के धोखाधड़ी करे हे। जामुल पुलिस के मुताबिक राकेश अग्रवाल पेशा ले लुब्रीकेंट अऊ बिटूमीन (डामर) आयल के सप्लायर हे। ओखर शक्ति ल्यूब्स महासमुंद अऊ गौरव फिलिंग स्टेशन नाम ले कोहका रोड म ऑफिस हे। राकेश अग्रवाल ह जामुल पुलिस ल बताइस कि चिराग शाह जेन कि याना एग्रोइंपैक्स, गांधीधाम गुजरात के डायरेक्टर हे। वो लुब्रीकेंट एंड बिटूमीन (डामर) ऑयल के सप्लाई करथे। चिराग शाह ले ओखर मुलाकात गौरव फिलिंग स्टेशन कोहका रोड जामुल म होए रहिस। ओ ह ओला लुब्रीकेंट अऊ बिटूमिन सप्लाई करे के बात कहे रहिस। ओखर कहे म राकेस ह 30 जुलाई 2021 के पहली एडवांस के रूप म 2 लाख रुपिया के आरटीजीएस चिराग के अकाउंट म करे रहिस। पहिली तो ओ हर कुछ दिन माल के सप्लाई समय म दीस। जब ओ ह बड़का एमाउंट एडवांस के रूप म रूपिया ले लीस त सप्लाई देना बंद कर दीस।
लउछरहा..
यूवोदय दुर्ग के दूत स्वयं सेवक मन बाल विवाह रोकथाम खातिर चलाए जात हे जागरूकता कार्यक्रम
May 1, 2024 Surabhi Tiwari Comments Off on यूवोदय दुर्ग के दूत स्वयं सेवक मन बाल विवाह रोकथाम खातिर चलाए जात हे जागरूकता कार्यक्रमदुर्ग, 01 मई 2024/ कलेक्टर सुश्री ऋचा प्रकाश चौधरी के मार्गदर्शन म जिला म बाल विवाह...लोकसभा चुनाव 2024: 85 प्लस अउ दिव्यांग मतदाता मन ह करिन अपन मताधिकार के प्रयोग
April 28, 2024 Surabhi Tiwari Comments Off on लोकसभा चुनाव 2024: 85 प्लस अउ दिव्यांग मतदाता मन ह करिन अपन मताधिकार के प्रयोगदुर्ग 28 अपरेल 2024/ भारत निर्वाचन आयोग के हुकुम के मुताबिक लोकसभा निर्वाचन-2024 अंतर्गत आज जिला...पलायन मतदाता मतदान करे आहीं अपन घर – घर आ जा संगी के तहत अब तक 1295 मन ह देहे हें अपन सहमति
April 26, 2024 Surabhi Tiwari Comments Off on पलायन मतदाता मतदान करे आहीं अपन घर – घर आ जा संगी के तहत अब तक 1295 मन ह देहे हें अपन सहमतिदुर्ग, 26 अपरेल 2024। जिला प्रशासन ह लोकसभा निर्वाचन 2024 म शत्-प्रतिशत् मतदान करवाए बर रंग...