दुर्ग जिलाधीश श्री अंकित आनंद ह निगम भिलाई क्षेत्र म खाद्यान्न वितरण के प्रक्रिया के जानकारी लेके करिन सराहना

दुर्ग 17 अप्रैल 2020। नगर पालिक निगम भिलाई के जोन नंबर 3 म पहुंचके दुर्ग जिला के कलेक्टर श्री अंकित आनंद, वरिष्ठ पुलिस अधीक्षक श्री अजय यादव अउ निगम आयुक्त श्री ऋतुराज रघुवंशी ह खाद्यान्न वितरण के प्रक्रिया के बारे म जानकारी लीन। उमन मदर टेरेसा अंतर्गत जोन नंबर 3 के कार्यालय म पहुंचके जरूरतमंद मन ल देहे जात राहत सामान, राशन पैकेट के वितरण के प्रक्रिया के बारे म जोन आयुक्त ले जानकारी लीन। जोन आयुक्त महेंद्र पाठक ह अधिकारी मन ल जानकारी देवत बताइस के जनप्रतिनिधि, मितानिन अउ आन माध्यम ले ये जानकारी मिले म के राहत सामान, जेवन के मनखे मन ल जरूरत हे। हमन तुरंत परीक्षण कराके सही होए म राहत सामान लउहे बांटे जाथे। निरीक्षण के बेरा म जिलाधीश खुर्सीपार मंगल भवन के राहत शिविर म घलव पहुंचिन उहां उमन लॉक डाउन के बेरा म रुके मनखे मन बर करे गए व्यवस्था मन के जायजा लेके उपस्थित अधिकारी मन ल जरूरी निर्देश दीन। निरीक्षण के बेरा म उपायुक्त तरुण पाल लहरें, अधीक्षण अभियंता आरके साहू, जोन आयुक्त जोन नंबर 3 महेंद्र पाठक, जोन आयुक्त जोन नंबर 4 प्रीति सिंह, कार्यपालन अभियंता संजय बागड़े अउ आन उपस्थित रहिन।