– पैरादान के क्षेत्र म सबले बढ़िया काम करइया अधिकारी मन ल कलेक्टर ह सहराइन, कहिन कि गांव वाले मन आगू बढ़के उत्साह ले हिस्सा लेहें हे तभे पैरादान अभियान होवत हे सफल, अभियान ल गति देवइया अधिकारी घलोक बधाई के पात्र
दुर्ग, अधिकांश गौठानों के फंक्शनल होए के बाद अब जिला प्रशासन के अगला लक्ष्य ए मन ल शतप्रतिशत प्रभावी बनाए के होही। हर गौठान बर नियुक्त करे गए नोडल आफिसर एखर बर जिम्मेदार होही। ओ मन गौठान समिति मन के संग मिलके ये देखहीं कि जादा ले जादा मवेशी गौठान तक पहुंचयं, ऊंखर बर गौठान म उचित व्यवस्था होवय अऊ एखर बाद उंकर उत्पादकता बढ़ाए के दिशा म काम हो सकय। कलेक्टर श्री अंकित आनंद ह ये संबंध म निर्देश जिला पंचायत म होए बैठक म अधिकारी मन ल दीन। ये बेरा म उमन पैरादान के क्षेत्र म होए काम ल विशेष रूप ले सहराइन। उमन कहिन कि गांव वाले मन ह उत्साह ले ये महती अभियान म हिस्सा लेवत हें। ऊंखर आगू आए ले ये बड़का काम सफल होवत हे। उमन कहिन कि हमार अधिकारी घलोक कई दिन ले बिहनिया-बिहनिया ले मानिटर करत रहिन। हमार पास अपन काम मन के रिपोट करत रहे, ये वाले प्रशंसनीय हे।
उमन पशुधन विकास विभाग के डा संदीप मढ़रिया, डाक्टर झरना चंद्राकर, डाक्टर डीएन चंद्राकर के काम ल विशेष रूप ले सहराइन। संगेच उमन चंदखुरी के एआरईओ अर्चना चरिवाया, ढाबा के अमित जोशी, ढौर के पूनम मेश्राम, अमलीडीह ले आशुतोष भट्ट, रारगांव ले सूरजभान वर्टे के काम ल विशेष रूप ले सहराइन।