महिला मन करत हें गौठान के संचालन, बनावत हें जैविक खाद

दुर्ग 13 सितंबर 2020। ग्रामीण महिला मन ल आर्थिक गतिविधि ले जोरे बर अकतहा उदीम करे जात हे।बिहान योजना के तहत महिला मन ल रोजगार मूलक काम के रूप म वर्मी कम्पोस्ट खाद बनाए के प्रशिक्षण देहे गीस तेकर से इमन ल गांवें म ही काम उपलब्ध कराए जात हे। राज्य सरकार के योजना नरवा, गरूवा, घुरूवा अऊ बाड़ी योजना ले सुराजी गाँव के परिकल्पना साकार होत नजर आत हे। स्व सहायता समूह के महिला मन गौठान मन म वर्मी कम्पोस्ट खाद अऊ नाडेप टैंक मन म पारंपरिक खाद के निर्माण करत हें। जिला पंचायत ले मिले जानकारी के मुताबिक जिला भर के गौठान मन म 1176 नाडेप अउर 1264 वर्मी कम्पोस्ट टैंक बनाए गए हे। दुर्ग जनपद पंचायत के  62 गौठान मन म 543 नाडेप अऊ 579 वर्मी कम्पोस्ट टैंक बने हे जेमा ले अब तक 7271 क्विंटल पारंपरिक कम्पोस्ट और43 क्विंटल केंचुआ खाद के उत्पादन करे गए हे। अइसनहे जनपद पंचायत धमधा के 79 गौठान मन म 274 नाडेप अऊ 375 वर्मी कम्पोस्ट टैंक बनाये गए हे अऊ उन्हे 581 नाडेप, 61 क्विंटल केंचुआ खाद बनाये हे।  जनपद पंचायत पाटन के 77 गौठान मन म 359 नाडेप अऊ 310 वर्मी कम्पोस्ट टैंक म  750 क्विंटल नाडेप अऊ 63 क्विंटल केंचुआ खाद के उत्पादन करे गए हे। जिला पंचायत सीईओ श्री सच्चिदानंद आलोक ह बताइस के महिला मन आत्मनिर्भरता कोति कदम बढ़ावत हें। गांव के स्व-सहायता समूह के महिला मन जेमां अध्यक्ष अऊ आन महिला मन पूरा मन लगा के काम करत हें।