कोराना संक्रमण के रोकथाम बर दुर्ग जिला प्रशासन के उदीम मन के संबंध म जनसाधारण ल सूचित करे गए हे जेकर मुताबिक –
1. लाकडाउन के समय 26 मार्च 2020 ले सबो मंडी, दुकान, ठेला (सब्जी, फल, अनाज, चिकन, मटन मछरी) डेली नीड्स, किराना, मोबाइल रिचार्ज के दुकान, पशुचारा अउ आन खाद्य आपूर्ति के दुकान भिनसरहा 9 बजे ले मंझनिया 3 बजे तक खुलही।
2. पीडीएस अंतर्गत संचालित उचित मूल्य दुकान भिनसरहा 9 बजे ले मंझनिया 3 बजे तक खुलही। 3. दूध सप्लाई (डेरी) ले संबंधित दुकान, मिल्क पार्लर अउ दूध सप्लाई ले संबंधित सबो दुकान भिनसरहा साढ़े छै बजे ले साढ़े नौ बजे तक संचालित रइही अऊ संझा पांच बजे ले संझा 7 बजे तक संचालित रइही। गैस एजेंसी भिनसरहा 9 बजे ले मंझनिया 3 बजे तक संचालित होही।
4. बैंकिंग सेवा भिनसरहा 10 बजे ले 2 बजे तक संचालित रइही।
5. दवइ दुकान, चश्मा के दुकान, पेट्रोल पंप, एटीएम, टेलीकाम/ इंटरनेट, आईटी आधारित सेवा, पोस्टल सेवा, अपन सामान्य समय म निरधारित समयानुसार खुलही मने समय के कोइ पाबंदी नइ हे।
एकर संगेच निरधारित दुकान अउ सेवा मन ल संचालित रखे बर थोक माल अउ उपकरण मन के परिवहन के अनुमति रइही।
कलेक्टर श्री अंकित आनंद ह ये संबंध म अपील करे हें के सबो नागरिक मन ले अपेक्षा हे के केवल एकदमेच जरूरी सामान खरीदंय अउ इमरजेंसी काम बर ही घर ले बाहिर निकलयं। अइसन स्थिति म खुद के वाहन म निकलयं। अइसन करत समय एक वाहन म ड्राइवर संग एक ले जादा मनखे नइ होना चाही अऊ अपन पहचानपत्र हमेशा संग म रखव। आप मन के आसपास के कई दुकान मन ह होमडिलीवरी के सेवा चालू करे हे। एकर सुविधानुसार जादा से जादा लाभ लेवव। लाकडाउन के समय भीड़भाड़ ले बचना चाही। लाकडाउन के समय सबो जनता सहयोग करे ल कलेक्टर ह अपील करे हें।
