बीएसएफ जवान मन बर तइयार करे जावत हे आईसोलेशन सेंटर : कलेक्टर ह करिन निरीक्षण

दुर्ग, 23 जुलाई 2020। कलेक्टर डॉ. सर्वेश्वर नरेंद्र भुरे ह आज बीएसएफ जवान मन बर तइयार करे जात आइसोलेशन सेंटर के निरीक्षण करिन। स्वास्थ्य विभाग कोति ले जारी गाइडलाइन के मुताबिक इहां जम्मो तैइयारी करे गए हे। ये संबंध म कलेक्टर डॉ. भुरे के बीएसएफ के डीआईजी श्री परदीप कत्याल ले चर्चा होए रहिस। जानबा हे के बीएसएफ के अधिकारी मन के संग जिला प्रशासन समन्वय के संग कोविड संक्रमण रोके के दिशा म सरलग काम करत हे। पाछू बैठक के बाद विज्ञान केंद्र ल घलव बीएसएफ जवान मन के क्वारंटीन सेंटर बनाए बर बात होए रहिस। जवान मन के संख्या के मुताबिक पर्याप्त संख्या म टायलेट रहिस, एखर बर कलेक्टर ह बायोटायलेट घलव क्वारंटीन सेंटर म रखवाये के निर्देश दे रहिन।