दुरूग 02 अप्रैल 2021 शुकवार। जिला म कोविड संक्रमण ल देखत जिला प्रशासन ह 6 अप्रैल ले 14 अप्रैल तक सम्पूर्ण जिला म लॉकडाउन के निर्णय लिये हावय। कलेक्टर डॉ. सर्वेश्वर नरेंद्र भुरे ह आम नागरिक मन ले अपील करे हवय कि जिला म संक्रमण के तेज प्रसार ल नियंत्रित करे म ये बहुते जरूरी हे कि लॉकडाउन के माध्यम ले कोरोना के गतिशीलता ल नियंत्रित करे जावय। एकर बर नागरिक मन के सहयोग अबड़े जरुरी हे। कलेक्टर ह नागरिक मन ले अपील करे हावय कि घर म राहयं, सुरक्षित राहयं। उन्मन 45 बछर ले अधिक आयु के सबो नागरिक मन ले तीर के टीकाकरण केंद्र पहुंचके टीका लगवाए के चिरौरी करीन । कलेक्टर ह नागरिक मन ले अपील करे हावय कि कोरोना के लक्षण उभरते साथ टेस्ट करावयं। पॉजिटिव आए म चिकित्सक के सलाह उपर काम करैं। पॉजिटिव मरीज के संपर्क म आए म तको टेस्ट करावयं। पॉजिटिव मरीज मन के आइसोलेशन का पूरा ध्यान रखयं।
कलेक्टर ह कहीन हे कि जिला के समक्ष येह कठिन परिस्थिति हावय। कहूं ये समे म पूरा संयम अउ दृढ़ता ले ये परिस्थिति के मुकाबला करबोन त निश्चित हमन अपन परिवारजन अउ प्रियजन मन ल अइसन विपदा म सुरक्षित रख सकिंगे।
उन मन कहीन कि दुरूग जिला के नागरिक मन ह हमेशा संकट के सामना हिम्मत अउ धैर्य ले करे हावय। ये पइत घलो अपन संकल्प ले हमन एमा विजय प्राप्त करबोन ।