- – भवन निर्माण ले संबंधित फ़ाइल मंगवाईन
- – आर आई ल घलोक नोटिस, स्वच्छता के कमी अऊ आरओ मशीन इनस्टॉल नइ होए म जताईन नाराजगी
दुर्ग, 13 फरवरी, 2020। संभागायुक्त श्री जीआर चुरेन्द्र ह आज बालोद जिला के उप तहसील देवरी बंगला के दौरा करिन। उहां उमन उप तहसील भवन के स्थिति ल देखके नाराजगी जाहिर करिन अऊ कार्यपालन अभियंता पीडब्ल्यूडी ल नोटिस जारी करे के हुकुम दीन संगेच उमन भवन निर्माण के फाइल के संग उपस्थित होए के हुकुम घलोक दीन। अइसनहे उमन उप तहसील कार्यालय म व्यवस्था के जांच घलोक करिन। उहां स्वच्छता के ध्यान नइ रखे जात रहिस अइसे उमन ल दिखिस त उमन संबंधित कर्मचारी मन ल दपकारिन। आर ओ वाटर मशीन अड़बड़ दिन ले इंस्टॉल नइ होए म घलोक उमन नाराजगी जाहिर करिन अऊ राजस्व अधिकारी ल नोटिस जारी करे के हुकुम दीन। संगेच उमन तहसील म लंबित प्रकरण मन के घलोक जानकारी लीन। उमन न्यायालय प्रकरण अउ आन प्रकरण मन के जानकारी घलोक लीन।
