– संभाग के सबो एसडीएम अऊ तहसीलदार रहिन मौजूद
– वाजिब उल अर्ज का हे, तौजियां पत्र काला कहिथें? गोधन न्याय योजना के नवा निर्देश का हे?
दुर्ग, 19 नवंबर 2020। हिंदी भवन म काली संभाग के सबो एसडीएम अऊ तहसीलदार मन के कार्यशाला आयोजित करे गीस। कार्यशाला म अधिकारी मन ल राजस्व अऊ कानून व्यवस्था ले जुड़े सैद्धांतिक अऊ मैदानी क्षेत्र म उपयोगी पहलु मन के बारे म विस्तार ले जानकारी देहे गीस। संभागायुक्त श्री टीसी महावर ह कहिन के राजस्व अधिकारी बहुमुखी अधिकारी होथे। ओ मन अपन अधिकार के पूरा क्रियान्वयन करके जनहित म बेहतरीन काम कर सकत हें। एखर बर जरूरी हे के ओ मन भू राजस्व संहिता संग रेवेन्यू अऊ नियम मन अऊ कानून उपर लिखे पुस्तक मन के नियमित अध्ययन करयं। नियम मन के जानकारी जतका जादा होही, प्रशासनिक रूप ले आप मन वोतके च प्रभावी होहू। उमन कहिन के सैद्धांतिक पक्ष के संगेच अपन मैदानी स्तर के व्यावहारिक समझ अऊ संवेदना घलोक अड़बड़ जरूरी हे। पूरा ध्यान ले आवेदक के बात ल सुनव अऊ यथासंभव उंखर मदद करव। उमन कहिन के राजस्व अधिकारी न्यायालय बर तय दिन मन म कोर्ट म बइठके कोर्ट म न्यायालयीन काम करव। उमन राजस्व अधिकारी मन ल क्षेत्र म जादा ले जादा भ्रमण करे अऊ मौका म ही मामला मन के निराकरण करे के हुकुम दीन। उमन कहिन के अपन रूटीन काम मन के संगेच शासन के प्राथमिकता वाले योजना मन के क्रियान्वयन म घलोक विशेष नजर रखव अऊ अपन भागीदारी सुनिश्चित करव। ये मौका म आईजी श्री विवेकानंद सिन्हा ह कहिन के अइसन कार्यशाला बहुत उपयोगी होथे, काबर के मैदानी स्तर अलगे चुनौती होथे।
