– बीएसएफ अधिकारी मन अउ जिला प्रशासन के समन्वय बैठक म निर्णय ले गेहे
दुर्ग 29 जून 2020 /बीएसएफ के जवान छुट्टी से ड्यूटी लहुटत रहिस ड्यूटी में लहूटे से पहली उमन ला क्वारंटीन करे जाथे । आने वाले समय म उमन क्वारंटीन करे बर अतिरिक्त भवन के जरूरत के संबंध म जिला प्रशासन अउ बीएसएफ के अधिकारी मन के समन्वय बैठक होइस । बैठक म आगामी समय की जरूरत के मुताबिक क्वारंटीन बर अतिरिक्त भवन चिन्हांकित करे कके निर्णय ले गेहे हे । बैठक म बीएसएफ के ओर से डीआईजी श्री परदीप कत्याल हा बताइस कि ट्रेन मन के माध्यम से जवान ड्यूटी जाइन करे बर लहुटत हे । ओखर मन बर अतिरक्त क्वारंटीन भवन के जरूरत घलव होही । बैठक वरिष्ठ पुलिस अधीक्षक श्री अजय यादव के कक्ष म होइस ।
श्री यादव एवं कलेक्टर डाॅ. सर्वेश्वर नरेंद्र भूरे हा उमन ला बताइस कि अतिरिक्त जरूरत मन के दृष्टि से भवन मन ला चिन्हांकन करे गे हे । कुछु प्रमुख भवन मन के चिन्हांकन कर दे गे हे । इहा बुनियादी सुविधा मन के निरीक्षण अधिकारी मन के द्वारा कर ले गे हे । हास्टल्स म शौचालय पर्याप्त संख्या म हे । एखर अलावा घलव बायोटायलेट के भी पलब्ध कराये जाही । बैठक म बीएसएफ के अधिकारी मन हा बताइस कि उखर डाॅक्टर निर्धारित प्रोटोकाल के मुताबिक नियमित रूप से जवान मन के जांच करथे । एखर अतिरिक्त घलव कोरोना संक्रमण से बचे बर उपाय के संबंध म प्रशिक्षण दे गेहे । बैठक में क्वारंटीन सेंटर म ठहराये जाने वाले जवान मन के भोजन अउ दूसर सुविधा मन के संबंध म घलव चर्चा करे गे हे एखर साथ ही बीएसएफ कैंप म आवश्यक सुविधा संबंधी दूसर विषय मन म बैठक म चर्चा करे गे हे । कलेक्टर हा ये जम्मो विषय मन के संबंध म आवश्यक निर्देश अधिकारी मन ला दिस । बैठक म अपर कलेक्टर श्री प्रकाश सर्वे, सीएमएचओ डाॅ. गंभीर सिंह ठाकुर एवं एसडीएम श्री खेमलाल वर्मा घलव मौजूद रहिस।
दुर्ग ले गुरतुर गोठ बर सोनू कुमार
