- ये साल जून महीन म पउर साल के इहि समय के मुकाबला 52 फीसदी जादा टेक्टर बिकिस
- राज्य शासन के किसान हितैषी योजना, राजीव गांधी किसान न्याय योजना के असर ले खेती के ढहर लौटत किसान, सरकार के खेती
- किसानी ल प्रोत्साहन देवत आधुनिक खेती के ढहर बढ़हत किसान, जून महीना म 134 टेक्टर मन के रजिस्ट्रेशन होइस जो पउर साल
- इही महीना के 82 टेक्टर मन के बिक्री के मुकाबला 52 फीसदी जादा हे
दुर्ग 8 जुलाई 2020/ राज्य सरकार के कृषि ल बढ़ावा दे के योजना के लाभ आटोमोबाइल सेगमेंट म नजर आये लगे हे । पउर साल जून महीना म आरटीओ आफिस म 82 टेक्टर के पंजीयन होइस। ये साल जून महीना म कराये गे रजिस्ट्रेशन के संख्या 134 हे । ये पउर साल के मुकाबला 52 फीसदी जादा हे । दुर्ग जिला म 226 टेक्टर बिके हे । जेमे 92 जिला के स्थानीय डीलर मन ले दूसर जिला के किसान मन ह ले हावे । कोरोना के चलत अर्थव्यवस्था म आए दबाव अउ पूरा देश म एखर असर के बावजूद दुर्ग जिला म बिक्री म आये ये उफान ये बताथे कि राज्य शासन द्वारा खेती-किसानी ल आगे बढ़ाये वाले योजना मन के जमीनी स्तर म बढ़िया असर होये हे अउ किसान अब इस स्थिति म आथे कि आधुनिक खेती के ढहर बढ़े । ये अकड़ा एबर घलव जरूरी हे कि पिछु बार घलव कर्ज माफी के चलत अउ 2500 रुपिया म धान खरीदी के चलत किसान ल खेती ले काफी संबल मिलिस । उमन खेती म निवेश करे के अवसर मिलिस अउ टेक्टर के बिक्री म बहुत बढ़ोतरी होहे । छत्तीसगढ़ म जून महीना म टेक्टर के बहुत संख्या म बिक्री होथे काबर की खरीफ फसल लेय ले पहली सबले जादा लोग खरीदथे । अईसे म ये बार पउर साल के तुलना म घलव टेक्टर के बहुत बिक्री होना बहुत जरूरी हे । कार मन के बिक्री म घलव बढ़ोतरी होहे । पउर साल जून महीना म 360 कार बिके रिहिन, ये बछर इही महीना म 387 कार बिके हे ।
ये ढंग ले राजीव किसान न्याय योजना मिलिस संबल- बीते बरस म खेती किसानी ले आर्थिक लाभ के संभावना कम होत जात रिहिस । कर्जमाफी के निर्णय ह किसान ल उबार लिन, फेर दूसर सकारात्मक गोठ 2500 रुपिया म धान खरीदी के निर्णय ल लेके होइस । ये दोनों गोठ ले किसान करा खेती म निवेश करे बर अवसर आइस । पहली किश्त म ही जिला के 80 हजार किसान के खाता म ये योजना ले 64 करोड़ रुपिया के राशि आईस । स्वाभाविक रूप ले एखर उपयोग किसान अपन खेती ल बेहतर करिस
दुर्ग ले गुरतुर गोठ बर सोनू कुमार