– टापर्स हा कलेक्टर से मुलाकात करिस, उज्ज्वल भविष्य के शुभकामना घलो दिस
– कलेक्टर हा कहिस कि ये अभी केवल सुखद पड़ाव हरे, इही तरह से मेहनत करत रहु तो आगे के रास्ता अउ भी सुंदर होही
दुर्ग 26 जून 2020/ बोर्ड परीक्षा बर हर विद्यार्थी कड़ी मेहनत करथे एमें से सबसे कड़ी मेहनत करने वाले प्रावीण्य सूची में चुने जाथे । ये मेधावी विद्यार्थि मन ला आज सुबह कलेक्टर डाॅ. सर्वेश्वर नरेंद्र भूरे के ओर से भी उज्ज्वल भविष्य के शुभकामनाएं मिलिस। कलेक्टर हा इमनला गिफ्ट दिस अउ कहिस कि ये आप लोगअन के जीवन के बहुत सुखद पड़ाव हरे। इहि तरह मेहनत करते रहु तो आगे के रास्ता अउ भी खूबसूरत होही। उही बोलिस कि बोर्ड परीक्षा बहुत अहम होथे अउ एमे अच्छा स्कोर करना महत्वपूर्ण हे लेकिन ये पढ़ाई के केवल एक पड़ाव हे। आगे बहुत से चुनौति होथे जो विद्यार्थी लगातार अध्ययनशील रहथे । सीखे के उत्सुकता रखथे । ओखर बर तकलीफ कम होथे अउ ओ आगे बढ़ते जाथे । जितना जादा कड़ी मेहनत करबे, दुनिया ला जाने बर उत्सुक रबे। उतना ही जादा तरक्की आप मन अपन जीवन में करहु। इहि मौका में जिला शिक्षा अधिकारी श्री प्रवास सिंह बघेल, सहायक संचालक श्री अमित घोष सहित अन्य अधिकारी मौजूद रहिस।
*इंजीनियरिंग के ओर रूझान अधिकतर टापर्स मन के-* कलेक्टर ले इहि अवसर में लाइका मन हा अपन आकांक्षा ला घलो साझा करिस। दसवीं में जिला के दो छात्रा मन अउ एक छात्र हा प्रावीण्य सूची में अपन जगह बनाईस हे । एमें से महक शकुंतला विद्यालय के हरे आदर्श कुम्हारी के ज्योति अंग्रेजी माध्यम स्कूल के छात्र हरे अउ संजना करंजा उच्चतर माध्यमिक शाला के छात्रा हरे । महक अउ आदर्श इंजीनियरिंग के तैयारी करना चाहथे अउ संजना आईआईटी के तैयारी करना चाहथे । बारहवीं के टापर सौरभ साहू जेहा चैथा रैंक पाहे । नीट की तैयारी करना चाहथे । मीनल एग्रीकल्चर के तैयारी करना चाहथे । कलेक्टर हा सबो झन ला कहिस कि अपन पसंद की पढ़ाई करो। अभी खूब सारा सामग्री आपके पास मौजूद हे एखरसेति जितना जानना हे उतना जाने बर आगे बड़ो। कलेक्टर हा कहिस कि हम सभी झन चाहथन कि जिला के लइकामन ला सबसे अच्छा शिक्षा मिले। जहां कोई तरह के गाइडेंस में दिक्कत आथे तो विशेष कक्षा मन के माध्यम से हम यह सुनिश्चित कराथन ।
*आगे के करियर के बारे में भी बताइस-* कलेक्टर हा आगे के करियर के रास्ता के बारे में भी विद्यार्थि मन ला बताइस । ओहा बोलिस की बोर्ड परीक्षा के बाद अपन रुचि के मुताबिक अच्छा विषय चुनो आपके करियर भी अच्छा बनथे। अउ बोलिस कि आपके पसंद के विषय मन में भी बहुत से करियर हे ये संबंध में जितना जानकारी प्राप्त करहु आपके लिए बेहतर होही।
