– मार्च के पहिली हफ्ता तक शुरू होही डबरापारा अउ कुम्हारी ओवरब्रिज
दुर्ग 19 दिसम्बर 2023/ कलेक्टर श्री पुष्पेन्द्र कुमार मीणा ह आज डबरा पारा अउ कुम्हारी ओवर ब्रिज के निरीक्षण करिस। निरीक्षण के समय कलेक्टर ह सीपीडब्लूडी अउ एनएच के अधिकारी मन ले कार्य प्रगति के जानकारी लीन। शहर म यातायात सुगम बनाए खातिर कलेक्टर ह दिन अउ रात दूनो पारी म काम करके ब्रिज निर्माण के काम ल जल्दी पुरा करे हुकुम दीन। उमन ब्रिज निर्माण के समय सुरक्षा अउ गुणवत्ता म विशेष ध्यान रखे ल कहिन। कलेक्टर ह निर्माण काम म लगे अधिकारी मन ले निर्माण के विसय म जानकारी लीन जऊन म एनएच के अधिकारी मन ह मार्च के पहिली हफ्ता तक डबरापारा अउ कुम्हारी ओवर ब्रिज निर्माण पूरा करे के बात कहीन। निरीक्षण के समय नगर निगम भिलाई के आयुक्त श्री रोहित व्यास, एसडीएम भिलाई 3 श्री जागेश्वर कौशल, संयुक्त कलेक्टर श्री दीपक निकुंज, डीएसपी श्री सतीश ठाकुर अउर एनएच अऊ पीडब्लूडी के अधिकारीगण मौजूद रहिन।