कोरोना ले निपटे बर सात सूत्र म काम शुरू

– अधिक आवाजाही वाले दुकान, मार्केट के अधिक भीड़भाड़ इलाका वाले अधिक ग्राहक के आवाजाही वाला दुकानदार सैंपल जांच
-आरोग्य सेतु के इतिहास पोर्टल के अनुसार पिंक एरिया, कंटेनमेंट जोन, पूर्व म कंटेनमेंट जोन रही चुके क्षेत्र म घर-घर जाके फिरसे हेल्थ टीम जांच करही, लक्षण वाले मरीज मन के सैंपल लिये जाही
दुर्ग 02 जुलाई 2020/ कलेक्टर डाॅ. सर्वेश्वर नरेंद्र भूरे ह निगम, स्वास्थ्य अमले एवं कोविड कंट्रोल ले जुड़े अधिकारी मन के जरूरी बैठक बुधवार देर शाम तक लिस । उमन कहिस कि हमन लगातार आरोग्य सेतु नजर रखे हन । एमे जो संभावित हाटस्पाट अउ इमर्जिंग हाटस्पाट दिखावट हे उहां कोरोना संक्रमण के आशंका ले निपटे बर रणनीतिक रूप ले अउ दक्षतापूर्ण काम होना चाहिए । कलेक्टर कहिस कि एखर बर सात सूत्र म सतत रूप ले अउ प्रभावी काम करना हे ।
होम क्वारंटीन के सख्त मानिटरिंग – एमे सबले पहली हे क्वारंटीन सेंटर म अउ होम क्वारंटीन म रहे लोगन मन के कढ़ाई ले मानिटरिंग । एखर बर लगे लोगन ले लगातार फीडबैक प्राप्त करें । ये संबंध म कोई भी तरह के शिकायत होये से त्वरित कारवाही करही ।
विदेश ले लहुटत अउ ईपास ले लहूटत रहे लोगन मन के मानिटरिंग- दूसरा प्रमुख बात म जोर देत उमन कहिस कि अभी बड़े संख्या म लोगन मन बाहीर ले आवत हे । विदेश मन म बसे लोगन घलव अपन घर म लहुटत हे। एखर क्वारंटीन बर कढ़ाई ले मानिटरिंग आवश्यक हे । ये मानिटरिंग उखर रायपुर म लैंड करते ही शुरू हो जाना चाहिए । बाहर ले आवत कोई भी मइनखे के जानकारी म चूक नइ होना हे । ज लोगन ई पास के माध्यम ले आवत ह उखर क्वारंटीन म घलव प्रभावी नजर रखे जाही ।
सबो नगरीय क्षेत्र म आंगनबाड़ी कार्यकर्ता सर्वे करहि- पूरा नगरीय क्षेत्र म आंगनबाड़ी कार्यकर्ता मन के द्वारा घर-घर सर्वे करे जाही । एमे बाहर ले आने वाले लोगन के जानकारी के संग ही सर्दी-बुखार मन के लक्षण के जानकारी वाला लोगन के चिनहारी करे जाही । कलेक्टर कहिस कि ये काम हर रोज जादा से जादा होना चाहिए । जितना लोगन ला बेहतर तरीका ले ट्रेस कर पाही, उतना ही कोरोना रोक पाये म सफलता मिलहि।
आरोग्य सेतु पोर्टल के इतिहास रिपोर्ट म दिखाये पिंक एरिया म विशेष नजर हावे- कलेक्टर हा कहिस की इतिहास रिपोर्ट के अनुसार पिंक एरिया, कंटेनमेंट जोन, पहली म कंटेनमेंट रही चुके जोन म नगरीय प्रशासन अउ स्वास्थ्य विभाग के टीम घर-घर सर्वे करव । जेन मरीज मन म भी लक्षण मिलथे उखर सैंपल लेवव। उमन ला घर म रहे के सलाह देवव अउ अइसे करना निश्चित घलव करो ।
कंटेनमेंट जोन ले लगे नजदीक क्षेत्र म रैपिट टेस्ट किट ले सैंपल- कंटेनमेंट जोन ले लगे नजदीक क्षेत्र म ये तरह के लक्षण वाले लोगन मिलथे ता रैपिड टेस्ट किट से इखर सैंपल के जांच करव।
जादा जोखिम वाले सैलून जइसे दुकान के दुकानदार मन के होही सैंपल जांच- कलेक्टर कहिस कि अइसे दुकान जेमे ग्राहक मन के आवाजाही काफी जादा होथे ज भीड़भाड़ वाले इलाका म हे अउ ग्राहक मन ले संपर्क बहुत होथे अइसे दुकानदार मन के आरटी-पीसीआर सैंपलिंग करे जाही । उमन कहिस कि सैलून म बहुत संख्या म ग्राहक आथे अउ सीधा संपर्क होथे । उही प्रकार ट्रांसपोर्ट ल जुड़े क्लीनर, ड्राइवर मन के घलव सैंपलिंग कराये जाही ।
फीवर क्लीनिक म लक्षण होये म रैपिड टेस्ट- फीवर क्लीनिक म लक्षण वाले मरीज के आये ले रैपिड टेस्ट करे जाये के बात करिस ।
एखर अलावा ये म जोर दिस- उमन कहिस की कोरोना संक्रमण के रोकथाम बर आवश्यक हे कि लोगन सुरक्षा के उपाय करे । एखर बर मास्क के प्रयोग अनिवार्य हे । जिहा भी एखर उल्लंघन होत पाये जाही उहा जुर्माना करे जाही । निगम के टीम विशेष रूप ले दुकान मन के निरीक्षण करव् । उहा मास्क पहना निश्चित करव् ।
हाटस्पाट फोरकास्ट, उहा के निवासी सुरक्षा के खास ध्यान रखव- आरोग्य सेतु हा जिला म हाटस्पाट फोरकास्ट चिनहारी करे हे । रिपोर्ट 30 जून के अद्यतन करे गे हे । उखर मुताबिक भिलाई वेस्ट (490009), सुपेला भिलाई (490023), उरला (490025), अहिवारा (490036), दुर्ग कचहरी (491001), नेवई (491107), चंदखुरी (491221), सुरदोनगर (491993) पिंक एरिया हे । एंबर एरिया म आईबीएसबी (490001), दुर्ग (491001), पिसेगाॅव (491001) बलोदा (491226) हे ।
इमरर्जिंग हाटस्पाट – इहा घलव सुरक्षा के ध्यान रखव – भेंडसर (491001), कपसदा (490042), रौंदा (491331), घोटा (491331), पिसेगाॅव (491001), देवरी (491331), नंदकट्टी (491001), अहिवारा (490036), मुरमुंदा (490036), बरहापुर (491331), तर्रा (491111), नंदिनी खुंदिनी (490036) नरधा (490024), हिर्री (491001), पेंड्रावन (491331), दारगाॅव (491332) सुरडुंग (490024), रिसामा (491221), उरला (490025), करंजा भिलाई (490024), कुम्हारी (490042), नेवरा (493114), धौर (490024), राजपुर (491331), गिरहोला (490036), सेमरिया (491332) हे ।