दुर्ग, संभागायुक्त दुर्ग संभाग श्री दिलीप वासनीकर अउ पुलिस उप महानिरीक्षक राजनांदगांव श्री रतनलाल डांगी कोति ले तीर के राज्य मन ले अवइया धान के अवैध परिवहन, भण्डारण अउ राज्य के भीतर स्थानीय बिचौलिया/कोचिया मन कोति ले धान के अवैध भण्डारण ल पूरा रोके बर सरलग जांच करे जात हे। ए महीना के सात तारीक अउ आठ तारीक के राजनांदगांव अउ बालोद जिलस के गातापार, कोरचा चेकपोस्ट अउ चिल्हाटी के धान खरीदी केन्द्र मन के निरीक्षण करे गीस। हम आप ल बता देवन के अधिकारी मन कोति ले रोजेच संभाग के चेकपोस्ट म दबिश दिए जात हे। जांच के बेरा म राजनांदगांव अउ बालोद जिला म अवैध धान परिवहन करत 30 वाहन मन के जप्ती के कार्यवाही करे गीस।
राजनांदगांव जिला के चिल्हाटी धान खरीदी केन्द्र म समिति प्रबंधक कोति ले 4672 कुंटल धान खरीदी होना बताए गीस। खरीदी केन्द म संभागायुक्त दुर्ग ह बारदाना मन के आपूर्ति के अवलोकन करे गीस संगेच संभाग के जम्मो जिला म विशेष चेकिंग दल ल नियमित रूप ले धान के आवक के निगरानी के सख्त आदेश दिए गीस। उपार्जन केन्द्र म दैनिक आवक के मात्रा, कांटा बाट के उपलब्धता, तौलके स्टैक म रखे गए मात्रा ल ध्यान म रखके रोजेच टोकन जारी करे बर निर्देश दे गए हे।
