- दुर्ग, 08 अप्रैल 2020। ये खबर दुर्ग यूनिवर्सिटी के वो यूजी अउ पीजी स्टूडेंट्स मन बर हे जोन मन के एग्जाम कोरोना के चलत लॉकडाउन के सेती नई होवत हे। हेमचंद यादव विश्वविद्यालय दुर्ग ह एक लेटर सब्बो प्राचार्य अउ छात्र मन ल जारी करे हे। जोन म लिखे हे कि परीक्षा ल लेके शासन के निर्देशानुसार आगु कार्रवाई करे जाही। पर्चा मन कम गेप हो सकत हे। ये घलो संभव हे कि कुछ पर्चा मन म छुट्टी के दिन म हो। एखर सेती परीक्षा बर तइयारी रखे। छात्र-छात्रा मन घलो अपन पूरा तइयारी रखे। संग म विवि ह सब्बो प्राचार्य मन ल कहे हे कि छात्र-छात्रा मन ल डिजिटल माध्यम ले शिक्षण सामग्री उपलब्ध कराये, जेखर ले विद्यार्थी मन ल परीक्षा के तइयारी म आसानी हो सके।
ये संबंध म अधिक जानकारी पाये बर विवि के वेबसाइट www.durguniversity.ac.in म जाके संपर्क करव।