दुर्ग 17 अप्रैल 2020।उच्च शिक्षा विभाग, छत्तीसगढ़ शासन के मंशा के मुताबिक अउ बेरा-बेरा म आयुक्त, उच्च शिक्षा विभाग कोति ले जारी निर्देश के मुताबिक हेमचंद यादव विश्वविद्यालय, दुर्ग के वेबसाइट म विश्वविद्यालय के परिक्षेत्र के अंतर्गत अवइया प्राध्यापक मन कोति ले बनाए गए विसय ले संबंधित वीडियो लेक्चर अपलोड करे के प्रक्रिया सुरू हो गए हे।
ये जानकारी देवत विश्वविद्यालय के अधिष्ठाता छात्र कल्याण डॉ. प्रशांत श्रीवास्तव ह बताइस के कोरोना संक्रमण के कारन शासन कोति ले घोषित लाकडाउन के सेती सबो प्राध्यापक अपन-अपन घर म रहिके पढ़ईया लईका मन के हित म स्नातक अउ स्नातकोत्तर कक्षा मन बर वीडियो लेक्चर तियार करत हें। ई-रिसोर्सेज उपलब्ध करवाए के ये अनुभव प्राध्यापक मन अउ पढ़ईया लईका मन दुनों बर नवा कदम हे।
दुर्ग विश्वविद्यालय के वेबसाइट म वीडियो लेक्चर अपलोड होना चालू
