भेंट-मुलाकात ,दुर्गकोंदल

रायपुर, दुर्गकोंदल भेंट-मुलाकात म मुख्यमंत्री ह कहिन कि सरकार ह किसान, लइका, श्रमिक सबके खातिर योजना बनाय हे। मैं इहां उंखर हक़ीक़त जाने आए हंव के मनखे मन ल योजना मन के लाभ मिलत हे या नहीं।
ये बेरा म मिरवाहि निवासी संकरा बाई ह 10 साल ले राशन कार्ड नइ बन पाय के शिकायत करिस। जेन म मुख्यमंत्री ह अधिकारी मन ल तुरंते एखर जांच करवाके राशन कार्ड बनाए के निर्देश दीन। जियागाँव निवासी श्री सदाराम ह बताइस कि ओ ल 2 एकड़ के पट्टा मिले हे। वो कुटकी, माँड़ींया, कुलथी के बोआई करत हे।
सरस्वती महिला स्व-सहायता समूह के सदस्य देववती ह बताइस कि ओ मन सबो सदस्य गौठान म खाद बनाथें। तीन साल ले काम करत हें। ओखर समूह सब्ज़ी अऊ बकरी पालन घलोक करत हे। ओ ह बताइस कि ओखर समूह ह 2 लाख के सब्ज़ी अऊ 2 लाख 14 हजार के वर्मी खाद बेचे हे।