महिला किसान सविता उईके के घर मुख्यमंत्री ह खाईस करमत्ता-कोलियारी भाजी अऊ जिमी कांदा के साग

रायपुर, मुख्यमंत्री श्री भूपेश बघेल अपन भानुप्रतापपुर विधानसभा प्रवास के समय दुर्गूकोंदल म महिला किसान श्रीमती सविता उईके के घर पहुँचिन। उमन श्रीमती सविता के घर जमीन म बइठ के भोजन करिन।
सविता उईके ह मुख्यमंत्री ल करमत्ता भाजी, कोलियारी भाजी, चेंच भाजी, रखिया बरी अउ आलू के सब्जी, जिमी कंद के सब्जी, उड़द-मूंग दाल, चांवल, रोटी, जिर्रा फूल के चटनी, आम चटनी अउ मड़िया पेज परोसिस। एखर बाद खीर, छिन्द, जामुन अऊ देशी आम के घलोक मुख्यमंत्री ह स्वाद लीन।
भोजन के बाद मुख्यमंत्री ह परिवार के सदस्य मन ले मुलाकात करिस। उमन लइका मन ले पूछिन कि ओ मन स्कूल जाथें? त लइका मन ह गर्व ले बताइन कि आप जेन स्‍वामी आत्मानंद अंगरेजी माध्यम स्कूल खोले हव उही म हमन पहली अउ चौथी कक्षा म पढ़थन। मयंक पहली म अऊ रिहान चौथी क्लास म हे।