मुख्यमंत्री श्री भूपेश बघेल के हुकुम के बाद सामान्य प्रशासन विभाग ह जारी किये हुकुम
रायपुर, 13 अप्रैल 2020। राज्य शासन ह नोवेल कोरोना वायरस ले संक्रमण के रोकथाम अउ नियंत्रण बर लागू लॉकडाउन अवधि म विभागीय सचिव मन अऊ विभागध्यक्ष मन अपन घरे ले सरकारी काम करेहीं ए संबंध म मुख्यमंत्री कोति ले हुकुम जारी करे गए हे। ए हुकुम के मुताबिक सबो संबंधित मन ल जरूरी तैयारी तुरंते करे अऊ 13 अप्रैल ले हुकुम के मुताबिक प्रशासनिक व्यवस्था ल ठउका करे ल कहे गए हे। विभाग अऊ विभागाध्यक्ष कार्यालय के अधिकारी-कर्मचारी मन ल प्रशासकीय जरूरत मुताबिक निवास म कार्यालय ले मिले सबो नस्ती, डाक के ट्रेकिंग संधारित करे के व्यवस्था करे ल कहे गए हे।
हुकुम म ये घलोक कहे गए हे के जम्मो विभागीय सचिव अऊ विभागाध्यक्ष अपन घर ले हमेसा मोबाईल, टेलीफोन अउ आन इलेक्ट्रानिक माध्यम ले संपर्क म बने रहव। अधीनस्थ अधिकारी मन के संग ऑनलाइन वीडियो कांफ्रेंस बर उपलब्ध एप, ऑनलाइन माध्यम मन के उपयोग करे जा सकत हे। एखर बर मुख्य कार्यपालन अधिकारी चिप्स ले जरूरी तकनीकी सलाह अउ सहयोग लेहे जाय।