- 3 करोड़ 63 लाख 66 हजार ले जादा राशि के भुगतान
- लॉकडाउन के समय भूमगादी महिला कृषक समूह ह खए के सामान के घर पहुंच सेवा देत हे
जगदलपुर, 15 मई 2020। राष्ट्रीय ग्रामीण आजीविका मिशन ’बिहान’ के तहत् बनाये गये महिला स्व सहायता समूह मन ह लॉकडाउन के समय आर्थिक गतिविधि मन म संलग्न होके जिला के विकास म सहयोग देत हें। कोरोना कोविड-19 के संक्रमण ले बचाव बर लॉकडाउन के समय काम काज बंद होए ले बस्तर जिला के गांव वाले मन ह जंगल अऊ घर के बाडी मन म जिहां लघु वनोपज प्रर्याप्त मात्रा मे पाए जाथे। ये ह ग्रामीण क्षेत्र मन म रहइया मनखे मन बर बडका आजीविका के साधन हे अऊ इही संग्रहित वनोपज ग्रामीण परिवार के आर्थिक स्थिति सुधारे म सहायक बने हे। राष्ट्रीय ग्रामीण आजीविका मिशन ’बिहान’ के तहत् बनाये गए महिला स्व सहायता समूह के माध्यम ले वन विभाग अऊ एन.आर.एल.एम के समन्वय ले 151 सक्रिय समूह ह 10 वनधन विकास केन्द्र, 38 हाट बाजार खरीदी केन्द्र, 103 ग्राम पंचायत स्तर म खरीदी केन्द्र ले अब तक 10 हजार 267 क्विंटल वनोपज के खरीदी करे गए हे। जेकर कुल 3 करोड़ 63 लाख 66 हजार 816 रूपिया के भुगतान समूह के माध्यम ले करे गए हे। जेखर से गांव के वनोपज संग्रहित परिवार मन ल नगद राशि प्राप्त होए हे। ये राशि उंखर आजीविका के एक अहम हिस्सा बन गए हे। समूह के माध्यम ले वनोपज खरीदी के पहल ले गांव म ही वनोपज आसानी ले खरीदी करे जात हे। अभी हाल मे अमली, चरौटा, हर्रा, बेहरा, कालमेघ, वनतुलसी, साल बीज, धवई फल, वनजीरा, गिलोय, भेलवां के खरीदी करे जात हे।
एखर अलावा वैल्यू चैन परियोजना राष्ट्रीय ग्रामीण आजीविका मिशन ’बिहान’ के तहत् भूमगादी महिला कृषक उत्पादक कंपनी अउ हरिहर बस्तर के माध्यम ले सब्जी अउ राशन खाद्य के घर पहुंच सेवा प्रणाली के सचालन बस्तर जिला म करे जात हे। जे ह समूह के उत्पादित समान मन ल समूह के माध्यम ले संग्रहण सह विपणन के काम करत हे ताकि समूह के सदस्य मन ल सही कीमत अऊ उचित मूल्य मिल सकय। भूमगादी कंपनी के माध्यम ले अभी हाल म मक्का, ईमली, काजू, उदड दाल, तिखुर, अमचूर, हल्दी, कोदो, कुटकी, रागी, चांवल आटा, आचार, पापड, बडी, मशरूम, अगरबत्ती, साबुन अउ साग सब्जी खरीदी करके प्रोसेंसिंग सह पैकेजिंग करके हरिहर बस्तर जगदलपुर शहर मे आउटलेट के माध्यम ले बेचे जात हे। ये समय म भूमगादी महिला कृषक उत्पादक कंपनी के माध्यम ले जगदलपुर जिला म मनखे मन के मांग मुताबिक जरूरी खाद्य सामाग्री जइसे- सब्जी, चावंल, दाल, तेल, बडी, पापड, आचार हल्दी मशाला के घर तक पहुंच सेवा देहे जात हे। जेखर से शहर के मनखे मन ल राहत मिले हे। लाकडाउन के समय म समूह के उत्पादित सब्जी अऊ आन उत्पाद ल गांव म बेचे मे समस्या आवत रहिस फेर भूमगादी कंपनी ले जुडे समूह परिवार मन ल अपन उत्पाद ल बेचे म आसानी हो गीस जेखर सेती सही समय म उमन ल पइसा मिले ले उंखर आर्थिक स्थिति म अउ आजीविका म बढ़ोतरी होए हे।
