रायपुर, 11 अगस्त 2020। प्रदेश म कोरोना के बढ़त संक्रमण के बीच 25 अगस्त ले छत्तीसगढ़ विधानसभा के मानसून सत्र शुरु होवइया हे। ये सत्र 28 अगस्त तक ही चलही। मानसून सत्र म कोरोना संक्रमण के मद्देनजर विधायक मन के बीच म सोशल डिस्टेंसिंग के नियम के पालन कराये के तैयारी करे जावत हे। तैयारी के विधानसभा अध्यक्ष चरणदास महंत ह निरीक्षण करिन हे।
सदन म मंत्री मन सहित सबो विधायक मन के आसन म लगाये जावत ग्लास पार्टीशन के ओमन अवलोकन करिन अउ अधिकारी मन ल 20 अगस्त तक सोशल डिस्टेंसिंग के उपाय मन ल पूरा करे बर निर्देश दिस। ये अवसर म विधायक शैलेष पाण्डेय, विधान सभा के प्रमुख सचिव चन्द्र शेखर गंगराडे अउ लोक निर्माण विभाग के वरिष्ठ अधिकारी घलो उपस्थित रिहिस।
