रायपुर, 31 जनवरी 2020। छत्तीसगढ़ म त्रिस्तरीय पंचायत चुनाव के दूसरा चरण के मतदान शुरू हो गए हे। 21 जिला के 36 ब्लॉक के 2 हजार 505 गांव मन म होने वाला दूसरा चरण के ये चुनाव म कुल 62 हजार 723 उम्मीदवार मन के भाग्य के फैसला होही। कुल 23 हजार 13 पद बर चुनाव होवत। जोन म पंच पद बर कुल 48 हजार 952 प्रत्याशी, सरपंच पद बर कुल 10 हजार 496 प्रत्याशी, जनपद सदस्य बर 2 हजार 870 प्रत्याशी अउ जिला पंचायत सदस्य बर 405 उम्मीदवार मैदान म हे। चुनाव बर कुल 38 हजार 435 मतदान कर्मी मन के ड्यूटी लगाए गए हे। संग म सुरक्षा के बर कुल 9 हजार 608 जवान मन के तैनाती करे गये हे।
नक्सल प्रभावित क्षेत्र म बिहनिया पौने 7 बजे ले मंझनिया 2 बजे तक मतदान होही। जबकि बाकी जगह मन म तीन बजे तक वोट डाले जा सकत हे।
गुरतुरगोठ बर दिलीप कुमार
