ई-पास बर वेबसाईट घलोक करे गीस लॉन्च
रायपुर, 10 मई 2020। छत्तीसगढ़ शासन ह कोरोना संकट के समय लॉकडाउन म फंसे मनखे मन बर अंतर्राज्यीय आवागमन के अनुमति देहे बर ई-पास एप्लीकेशन अऊ वेबसाईट लॉन्च करे गए हे। अनुमति प्राप्त करे बर इच्छुक आवेदक ऑनलाईन आवेदन कर सकत हें। आवेदक मन ल उंखर आपात स्थिति जइसे चिकित्सा संबंधी इलाज, परिवार म कोनो सदस्य के निधन आदि होए म अनुमति देहे उपर विचार करे जाही।
ऑनलाईन आवेदन करत समय आवेदक मन ल व्यक्तिगत विवरण, यात्रा के संबंध म पूरा जानकारी जेमां वाहन नम्बर अऊ यात्रा के विवरण, यात्रा के उद्देश्य सामिल हे, के जानकारी देना होही। पूरा जानकारी ऑनलाइन दर्ज करे के बाद सक्षम प्राधिकारी कोति ले केन्द्र अऊ राज्य सरकार के गाईडलाईन ल ध्यान म रखत एखर बर अनुमति देहे या नइ देहे उपर विचार करे जाही। ई-पास एप्लीकेशन गूगल प्ले स्टोर म जाके डाउनलोड करे जा सकत हे। एप्लीकेशन डाउनलोड करे बर- https://play.google.com/store/apps/details?id=com.allsoft.corona. कड़ी म जाना होही।
अंतर्राज्यीय परिवहन बर इच्छुक आवेदक वेबसाईट के साथ घलोक इंटर स्टेट ई-पास प्राप्त कर सकत हें। एखर बर ओ मन ल वेबसाईट के पता https://epass.cgcovid19.in/ म जाके जरूरी जानकारी दर्ज करना होही। संगेच कागद घलोक अपलोड करना होही।