सिंघारी गांव के रहवईया श्रवण कुमार यादव ह दू बछर म कमाइस डेढ़ लाख रूपिया ले जादा के रकम
कबीरधाम, हमर कका भूपेश बघेल के गोबर खरीदी के योजना बने हे एखर से मोर परिवार हा करजा ले उबर गे। मैं हा कभू नइ सोचे रेहेंव के गोबर बेंच के अतेक पईसा कमाहूं के मोर जिन्दगी बदल जाही। मै हा 2020 के जेठ म अपन घर के जरूरत बर किसानी के जमीन ल गहना धरे रेहेंव। वोला मैं ए साल 2022 के जेठ महिना मा छोड़ा लेंव अऊ अपन घर के जरूरत तको पूरा पूरा करेंव। ये सब होईस गोधन न्याय योजना म जुड़ के गोबर बेंचे ले।
ये बात विकासखंड बोडला के ग्राम पंचायत सिंधारी के रहवईया श्रवण कुमार यादव ह बताईस। जेन गोबर बेंचके डेढ़ लाख रूपिया ले जादा के आमदनी कमाए हे। गोधन न्याय योजना ले फायदा उठाने वाला अइसन बहुत अकन हितग्राही मन म ले एक श्रवण कुमार यादव के बताती वोकर पास 1 एकड़ किसानी जमीन हवे। जेला वो ह 45 हजार रूपिया म गहना धरे रहिस, जब ओकर तीर पईसा आईस त वो ह अपन जमीन ल छोड़ा लीस। वो ह खेत के संगेच अपन बाई के गहना घलोक ल छोड़ाईस अऊ धान के बोवाई बर पईसा लगाइस, 15 हजार रूपिया के जमीन समतलीकरण करिस अऊ 2 हजार रूपिया के बर्तन खरीदिस। वो कथे के मोर आर्थिक स्थिति म बने सुधार होईस अब मोला अपन जरूरत बर साहूकार ले पईसा लेहे के कौनौ जरूरत नइ हे। मोर एक आंखी काम नइ करे ओखर बाद घलोक मैं हा अपन परिवार के जरूरत ये योजना के सहायता ले पूरा करत हंव। मोर शारीरिक कमजोरी मोर काम म अब अड़ंगा नइ रिहीस।
श्रवण कुमार यादव के संबंध म जानकारी देवत भागवत धुर्वे सचिव ग्राम पंचायत सिंधारी अऊ ग्राम गौठान प्रबंधन समिति ह बताइस के अगस्त 2020 ले श्रवण कुमार ह गांव के गौठन म गोबर बेचत हे। ए ह अब तक 75174 किलोग्राम गोबर के विक्रय करे हे जेखर एवज म एलस 150348 रूपिया शासन ह जारी करे हे।
