वैश्विक शिखर सम्मेलन म सामिल होए खातिर दीन नेवता
रायपुर, मुख्यमंत्री श्री विष्णु देव साय ले राजधानी रायपुर स्थित मुख्यमंत्री निवास कार्यालय म प्रजापिता ब्रह्माकुमारी ईश्वरीय विश्व विद्यालय के प्रतिनिधि मण्डल ह सौजन्य भेंट करिस। ए बेरा म रायपुर के संचालिका ब्रह्माकुमारी सविता दीदी ह मुख्यमंत्री श्री साय ल अवइया 10 ले 13 अकटूबर तक माउण्ट आबू म आयोजित होवइया वैश्विक शिखर महासम्मेलन म संघरे खातिर नेवता दीन।
मुख्यमंत्री श्री साय ह प्रतिनिधि मण्डल ल ए आयोजन खातिर शुभकामनाएँ दीन अऊ आमंत्रण खातिर आभार व्यक्त करिन। उमन कहिन के ब्रह्माकुमारी संस्थान कोति ले शांति, आध्यात्मिकता अऊ मानवता के कल्याण खातिर करे जात काम अनुकरणीय हे।
भेंट के समय सविता दीदी ह प्रधानमंत्री श्री नरेन्द्र मोदी के अवइया रायपुर प्रवास के समय नवा रायपुर, सेक्टर-20 स्थित शान्ति शिखर के नवा भवन “एकेडमी फार ए पीसफुल वर्ल्ड- शान्ति शिखर” के लोकार्पण कार्यक्रम के जानकारी घलोक मुख्यमंत्री ल दीन।
प्रतिनिधि मण्डल म ब्रह्माकुमारी सविता दीदी के संग बीके रश्मि दीदी, बीके महेश डोडवानी अऊ बीके हीरेन्द्र नायक घलोक उपस्थित रहिन।
