छत्तीसगढ़ म भूकंप के झटका, जगदलपुर ले 35 किलोमीटर दूर भूकंप के केंद्र… ओडिशा म घलो महसूस करे गिस झटका

जगदलपुर, 21 मार्च 2020। छत्तीसगढ़ के सुकमा म 11.14 मिनट के आसपास भूकंप के झटका महसूस करे गिस हे। करीब 3 सेकंड तक ये झटका महसूस करे गिस। एखर बाद लोगन मन भयभीत होके घर ले बाहर निकल गे। शुरुआती जानकारी के अनुसार, रिक्टर पैमाना म एखर तीव्रता 4.2 हे। वैज्ञानिक मन ह बतावत कि जमीन के अंदर 10 किलोमीटर भूकंप के केंद्र रहिस। वही भूकंप के केंद्र जगदलपुर ले दूर 35 किलोमीटर म बताये जावत हे। ओडिशा के मलकानगिरी म घलो भूकंप के झटका महसूस करे गए हे। स्थानीय लोगन मन के कहना हे कि ये पहली बार हे जब सुकमा म भूकंप के झटका महसूस करे गिस हे।