गेंगरूवा बेचके महिला समूह ह कमाइस ढाई लाख रूपिया : केंचुआ पालन ले बेहतर रिटर्न के गारंटी

दुर्ग, गौठान मन ल ग्रामीण आजीविका केंद्र के रूप म विकसित करे के मुख्यमंत्री श्री भूपेश बघेल के सोच के जमीनी क्रियान्वयन अजरज भरे रहे हे। जैविक खाद ल आगू बढ़ाए के उंखर सोच ह आय के अइसन अवसर स्वसहायता समूह ल उपलब्‍ध कराए हे जेमां मामूली निवेश म बेहतरीन रिटर्न हे। चंदखुरी म श्री सिंधुजा स्व-सहायता समूह के महिला मन ह पाछू साल रायपुर ले आस्ट्रेलियन प्रजाति के एक क्विंटल केंचुवा मंगवाये रहिन। एक साल के भीतर ही केंचुवा मन अतका मात्रा म बाढ़ गे कि पहिली साल के उत्पादन 20 क्विंटल रहिस। एला बेचके समूह ह ढाई लाख रूपिया कमाइस। इही केंचुवा मन के सहायता ले ये पईत घलोक समूह ह 20 क्विंटल केंचुवा तियार करे हें। एकर विक्रय ले घलोक समूह ल अतकेच कमई होही।