आकर्षक रंग अउ आकार में 2 सौ रुपिया ले 4 हजार रुपिया तक बेचाए ब हे उपलब्ध
रीपा ले जुड़ के बदलत हे जिनगी
रायपुर, 13 सितंबर 2023
राज्य के महिला स्व सहायता समूह मन ह अपन हुनर अउ मेहनत से एक नवा पहचान बनाए में सफलता हासिल करत हे। चाहे एलईडी बलब के निर्माण हो, फेंसिंग तार जाली के निर्माण हो, फ्लाई ऐस ईंट चाहे गोबर पेंट ले निर्माण हो या खाद्य सामग्री के निर्माण हो, सब में उच्च गुणवत्ता अउ मानक ले धियान रखत हुए एक सफल उद्यमी के रूप में महिला स्व सहायता समूह अपन नाम दर्ज करात हे। हाल ही में रक्षाबंधन के अवसर महिला समूह ह कम कीमत म आकर्षक राखी बना के अपन हुनर ले सब झन ल परिचित कराए रहिस।
इ तारतम्य में अब जब गणेश चतुर्थी के तिहार आए वाला हे त अइसे समय म महासमुंद जिला में समूह के महिला मन ह एला एक अवसर के रूप में देखत हुए गणेश मूर्ति ले निर्माण करे हे। महात्मा गांधी ग्रामीण औद्योगिक पार्क गोड़बहाल ले जुड़ के मां चन्द्रहसिनी महिला समूह के दीदी मन विभिन्न आकार अउ रंग के आकर्षक गणेश मूर्ति के निर्माण करत हे। ये महिला समूह पहिली माटी कला कार्य ले जुड़ के बुता करत रहिस हे। अब रीपा योजना के बाद एमन ल जादा संसाधन अउ अवसर मिलिस हे।
महासमुंद जिला के पिथौरा विकासखंड के ग्राम पंचायत गोडबहाल गौठान ले जुडे़ रीपा योजनांतर्गत चंद्रहासिनी स्व सहायता समूह के महिला मन गणेश मूर्ति के निर्माण करत हे। ए बार समूह के दिदी मन द्वारा बनाए गए गणपति घर अउ अलग अलग पंडाल मन में विराजही।
समूह के अध्यक्ष नीरा निषाद ह बताइस कि वोमन लगभग 500 गणेश मूर्ति के निर्माण कर डारे हे। अभी पहिली खेप बजार में उतर गए हे जेला सबो झन बने पसंद करत हे। ओ ह बतात हे कि ए बार गणेश मूर्ति के बेचरी ले ही करीब 1 लाख रुपिया आय होए के उम्मीद हे। ओ ह बताइस कि उमन करा विभिन्न आकार में 200 से लेके 4000 रुपिया तक के गणेश उपलब्ध हे जे विभिन्न रंग अउ आकर्षक तरीका से बनाए गए हे।
समूह के सब्बो सदस्य मन माटी कला के कार्य ल अपन भविष्य मान के राज्य शासन ल धन्यवाद ज्ञापित करिस हे।
