प्रधानमंत्री आवास योजना ले महिला मन ल मिलिस रोजगार, आवास पूरा करे म निभावत हे अपन महत्वपूर्ण भूमिका

आर्थिक सशक्तिकरण ले सरगुजा के चार सौ ले जादा महिला लखपति दीदी क्लब म सामिल होइन
सरगुजा, हर मनखे के सपना होथे के ओकर खुद के पक्का मकान होवय। प्रधानमंत्री आवास योजना आज जरूरतमंद मन के ये सपना ल साकार करत हे। योजना के तहत प्रदेश के लाखों मनखे मन के सपना ल साकार करे बर तैयार हे, जेमा ओ मन अपन परिवार के संग सुरक्षित अउ सुखद जीवन बितावत हें। योजना ले कईठन परिवार समाज म सम्मानजनक अउ स्थिर जीवन बितावत हें।
सरगुजा जिला के महिला मन ईंट, सीमेंट, गिट्टी, छड़, सेटरिंग प्लेट जइसे गतिविधि के माध्यम ले नियमित आय प्राप्त करत हें, जेखर ले जिला के कुल 465 महिला ल लखपति दीदी क्लब म सामिल करे गे हे। प्रधानमंत्री आवास योजना ह एक तरफ जहां लोगन ल आवास प्रदान करे हे, उहें दूसर तरफ रोजगार देके ओमन ल आत्मनिर्भरता दिलाये म घलोक महत्वपूर्ण भूमिका निभाए हे।
सरगुजा जिला के महिला मन ह ए योजना ल आर्थिक सशक्तिकरण के माध्यम बनाए हे। स्व-सहायता समूह के महिला मन ह आवास निर्माण बर निर्माण सामग्री प्रदान करके आवास पूर्णता म महत्वपूर्ण भूमिका निभावत हें। समूह के दीदी मन ह समूह ले लोन प्राप्त करके योजना के हितग्राही मन ल आवास निर्माण बर ईंट, सीमेंट, गिट्टी, छड़ के सामान अउ मिक्सर मशीन उपलब्ध करावत हें। सरगुजा जिला के समूह के 281 दीदी मन ईंट के निर्माण के काम करत हे।