धमतरी के गौठान मन के संग आर्थिक सशक्तिकरण कोति बढ़त हें स्वसहायता समूह

धमतरी, गोधन न्याय योजना के तहत बने गौठान मन म न सिरिफ गोबर के खरीदी, खाद निर्माण अऊ बिक्री करे जात हे, भलुक एखर संग आजीविका सृजन के नवा मापदण्ड अपनाए जात हे, जेखर से ग्रामीण अर्थव्यवस्था स्वावलम्बी, सम्बल अऊ मजबूत बनत जात हे। गौठान अब न केवल गोबर खरीदी-बिक्री केन्द्र ये, भलुक जीवनयापन के सशक्त माध्यम बन गए हे। ए गौठान मन म वर्मी खाद के संग सब्जी उत्पादन, मशरूम स्पॉन, मुर्गी पालन, बकरीपालन, अण्डा उत्पादन, केंचुआ उत्पादन, मसाला निर्माण, कैरीबैग अउर दोना-पत्तल निर्माण, बेकरी निर्माण, अरहर अउर फूलों के खेती अउ कई प्रकार के गतिविधि होवत हे। जिला के कुरूद विकासखण्ड के गौठान मन म आजीविकामूलक गतिविधि के सफलता के अनुमान इही बात ले लगाए जा सकत हे कि उत्पादन काम के लागत व्यय ल अलग करे के बाद लाखों रूपिया के अकतहा आय ए समूह मन ल होवत हे, जेन अपन आप मन म एक कीर्तिमान हे।