रायपुर, 29 जनवरी 2020। मुख्यमंत्री भूपेश बघेल के पहल म राज्य सरकार ह आंगनबाड़ी केंद्र म लइका मन ला अब स्थानीय भाषा, बोली म स्कूल पूर्व अनौपचारिक शिक्षा देहे जाही। ए संबंध म महिला अउ बाल विकास विभाग के सचिव सिद्धार्थ कोमल सिंह परदेशी ह सब्बो जिला कलेक्टर मन ल चिट्ठी लिख के बच्चा मन ला उंकर महतारी भाखा म पढ़ाए बर कहे हावंय। कलेक्टर मन ल आंगनबाड़ी केंद्र म अनौपचारिक स्कूल पूर्व शिक्षा म छत्तीसगढ़ी, गोंडी, हल्बी, भतरी, सरगुजिया, कोरवा, पाण्डो, कुड़ुख अउ कमारी जइसे स्थानीय भाषा अउ बोली मन के समावेश करे बर कहे गए हे. अनौपचारिक स्कूल ले पहिली के शिक्षा बर उपलब्ध संसाधन अउ पाठन सामग्री स्थानीय भाषा, बोली म अनुवाद कराए जाही। एखरे संगेच स्थानीय भाषा के जानकार अधिकारी, कर्मचारी या कार्यकर्ता के पहचान करके उंखर माध्यम ले दूसर सब कार्यकारी ल प्रशिक्षित करे ल कहे गए हे। एखर बर हरेक जिला म प्रशिक्षक के सूची तैयार करे जाही।
मुंगेली ले गुरतुर गोठ संवाददाता दिलीप बसंत
