- राज्यपाल बस्तर विश्वविद्यालय के दीक्षांत समारोह म होइन सामिल
- विश्व विद्यालय म रोजगार परा शिक्षा के उपलब्धिता म देहे जाए बल
- 200 छात्र-छात्रा मन ल पदक अउ उपाधि मन के करिन वितरण
रायपुर, 20 फरवरी 2020। राज्यपाल सुश्री अनुसुईया उइके आज जगदलपुर म बस्तर विश्वविद्यालय के दीक्षांत समारोह म सामिल होइन। उमन कहिन कि हम मनखे शिक्षा ल रोजगार ले जोड़के देखथे अऊ मूल्यांकन के आधार रोजगार ल बनाथे। फेर शिक्षा ह असल म संस्कार ये, जेखर से मनुष्य-जीवन ल एक पक्का आधार मिलथे। जीवन-यापन बर जीविका तो चाही, फेर संस्कार के बिना मनुष्य के कोनो मतलबे नइ होवय। ये बेरा म 200 मेधावी छात्र-छात्रा मन ल पदक अऊ उपाधि देहे गीस। राज्यपाल ह दीक्षांत-समारोह म उपाधि प्राप्त करइया छात्र-छात्रा अऊ प्रावीण्य-सूची म स्थान पवइया मेघावी छात्र-छात्रा मन ल बधाई अउर शुभकामना दीन अऊ कहिन कि ओ मन अपन व्यावहारिक जीवन म घलोक अइसनहे प्रवीणता के परिचय देवयं अऊ अपन परिवार, समाज अऊ देश के नाम रौशन करयं।
