सामाजिक विकास के मूलमंत्र हे शिक्षा, शिक्षा के बिना हे जीवन अधूरा – मुख्यमंत्री श्री साय

रायपुर / शिक्षा के बिना जीवन अधूरा हे। शिक्षा केवल नौकरी पाए के साधन भर नो हे, बल्कि सफल जीवन के रद्दा ये। सामाजिक विकास के मूलमंत्र शिक्षा हे। चाहे जीवन जीए के कला होवय, व्यापार होवय, किसानी होव या कोनो आन क्षेत्र — हर क्षेत्र म सफलता खातिर शिक्षा के महत्वपूर्ण भूमिका हे।मुख्यमंत्री श्री विष्णु देव साय ह राजधानी रायपुर स्थित बलबीर सिंह जुनेजा इनडोर स्टेडियम म आयोजित राष्ट्रीय मछुवारा जागरूकता सम्मेलन ल संबोधित करत ये बात कहिन।
मुख्यमंत्री श्री साय ह कहिन के हमर सरकार सुरू ले ही राज्य म शिक्षा के क्षेत्र म सरलग काम करत हे। राज्य गठन के समय जिहां केवल एक मेडिकल कॉलेज रहिस, उहें आज प्रदेश म लगभग 15 मेडिकल कॉलेज हो गे हे। अइसनहे हमन राष्ट्रीय अऊ अंतरराष्ट्रीय स्तर के शैक्षणिक संस्थान जइसे आईआईटी, ट्रिपल-आईटी, आईआईएम, लॉ यूनिवर्सिटी, एम्स अऊ सिपेट जइसे संस्थान छत्तीसगढ़ म स्थापित करे हन, जेकर लाभ राज्य के स्थानीय पढ़ईया लईका मन ल मिलत हे।