नानदमाली शाला म गुरूजी पदस्थापना ले लइका मन के शिक्षा गुणवत्ता म आईस सुधार शिक्षक युक्तियुक्तकरण प्रक्रिया ल अभिभावक मन ह सहराईन

सरगुजा, प्राथमिक शाला नानदमाली म पढ़ईया लईका मन के बढ़त संख्या ल देखत राज्य शासन ह युक्तियुक्तकरण करके अकतहा गुरूजी मन के पदस्थापना करे रहिस, जेखर से विद्यालय के शैक्षणिक वातावरण पूरा बदल गए हे। गुरूजी पदस्थापना ले लइका मन के शिक्षा गुणवत्ता म सुधार आए हे,   जेला अभिभावक मन ह सहरावत हें।  प्रदेश के शिक्षा व्यवस्था ल सुदृढ़ अऊ गुणवत्तापूर्ण बनाए खातिर मुख्यमंत्री श्री विष्णु देव साय के पहल म चलाए जात गुरूजी युक्तियुक्तकरण अभियान के परिणाम अब जमीनी स्तर म देखे ल मिले लगे हे।
इही कड़ी म सरगुजा जिला के नानदमाली प्राथमिक शाला म अभी हाल म 123 विद्यार्थी दर्ज हे। पहिली गुरूजी मन के कमी ले पढ़ाई प्रभावित होवत रहिस, फेर युक्तियुक्तकरण के तहत नवा पदस्थापना होए ले अब विद्यालय म कुल 5 गुरूजी उपलब्ध हे, जेमां प्रधान पाठक श्रीमती पुष्पा बड़का, सहायक गुरूजी श्री दीनानाथ कैवर्त, सहायक गुरूजी श्रीमती पुष्पा पंडो, सहायक गुरूजी श्री हरी चंद पटेल, युक्तियुक्तकरण प्रक्रिया के तहत सहायक गुरूजी श्रीमती नीलिमा सिंह के नवा पदस्थापना होए हे। दर्ज विद्यार्थी  के दर ले अब शिक्षकगण अपन-अपन कक्षा के पढ़ईया लईका मन ल पूरा लगन अऊ उत्साह ले पढावत हें।