दूरिहा-दुरिहा जंगल कोति के स्कूल मन होइन गुलजार

छात्र मन ल मिलत हे विसय के खांटी जानकार मन ले गुणवत्तापूर्ण शिक्षा
सुकमा, प्रदेश म नवा शिक्षा नीति 2020 के जइसे शिक्षक युक्तियुक्तकरण के प्रक्रिया ले छत्तीसगढ़ के सुदूर जिला मन म शिक्षा व्यवस्था सशक्त होवत हे। मुख्यमंत्री श्री विष्णु देव साय के अगुवई म चलत ए उदीम ले सुकमा जिला के छिंदगढ़ विकासखंड के विद्यालय मन म घलोक सकारात्मक बदलाव नजर आए लगे हे। उहां कभू नक्सली मन के बंदूक के अवाज सुनाई देत रहिस, अब उहां शिक्षा के अलख सुनाई देथे। अब पढ़ईया लईका मन ल नियमित, विसय विशेषज्ञ अऊ प्रशिक्षित शिक्षक मन ले शिक्षा मिलत हे, जेखर से पढ़ाई के स्तर निरंतर सुधरत हे।
सुकमा जिला के विकाखण्ड जिला शिक्षाधिकारी छिंदगढ़ ह बताइस के शासन से पारदर्शी प्रक्रिया के तहत करे युक्तियुक्तकरण ले ए विद्यालय मन म अब शिक्षक मन के नियुक्ति सुनिश्चित हो गे हे। एखर से न केवल विद्यालय मन म नियमित पढ़ाई होवत हे, बल्कि लइका मन के रुचि घलोक बाढ़े हे अऊ शिक्षक मन के कार्यभार घलोक संतुलित होय हे।
विकासखंड शिक्षा अधिकारी ले मिले जानकारी के मुताबिक छिंदगढ़ विकासखंड म कुल 390 शासकीय विद्यालय संचालित हे, जेमें 288 प्राथमिक, 82 माध्यमिक, 13 हाई स्कूल अऊ 07 हायर सेकेंडरी स्कूल सामिल हे। युक्तियुक्तकरण ले पहिली इहां 08 विद्यालय शिक्षकविहीन रहिस अऊ 96 विद्यालय एकल शिक्षक उपर निर्भर रहिस। ये स्थिति लइका मन के शिक्षा के स्तर ल प्रभावित करत रहिस।
शिक्षक युक्तियुक्तकरण के ये पहल न केवल स्कूल मन म शिक्षा के वातावरण सुदृढ़ करत हे, बल्कि एखर से ड्रॉपआउट दर म कमी अऊ परीक्षा परिणाम मन म सुधार घलोक देखे ल मिलत हे। सरकार के ये प्रयास निश्चित रूप ले राज्य म शिक्षा के गुणवत्ता ल नवा ऊँचाइ तक पहुंचाए म मददगार साबित होही।