बेटी मन के सपना प सहारा देवत मुख्यमंत्री नोनी सशक्तिकरण योजना

शिक्षा आज रोजगार के सपना होवत हे सकार  
रायपुर, 09 जुलाई 2023
प्रदेश म श्रमिक के बेटी मन ह अब अपन सपना देखत हे अउ सफलता के डहर म आघू घलो बाढ़त हे। प्रदेश सरकार के नोनी सशक्तिकरण योजना बेटी मन ल शिक्षित अउ सक्षम बनाए ब उत्प्रेरक साबित होइस हे। योजना ले मिले सहारा ह बेटी मन के आत्मविश्वास बढ़ाइस हे। मुख्यमंत्री श्री भूपेश बघेल के नेतृत्व वाले सरकार ह छत्तीसगढ़ के श्रमिक परिवार के बेटी मन ल शिक्षा, रोजगार, स्वरोजगार अउ बिहाव म आर्थिक सहयोग के उद्देश्य ले नोनी सशक्तिकरण योजना संचालित करत हे। 
      धमतरी जिला मुख्यालय के गोकुलपुर वार्ड के रहोइया श्रीमती माधुरी गुप्ता अपन तो रोजी-मजदूरी के बुता करथे फेर ऊकर हमेशा ले इच्छा रहिस के ओ ह अपन लईका मन ल बने बढ़िया शिक्षा दे। माधुरी शिक्षा के महत्व ल भलीभांति समझथे। माधुरी बतात हे कि पति के तबीयत खराब होए के बाद परिवार म ओ ह अकेल्ला कमई करने वाली हे। ओकर ब चार झन लईका के देखभाल अउ पढ़ई-लिखई करवाए ह असान काम नई रहीस हे। लेकिन माधुरी ह लईका मन ल पढ़ाए के संकल्प लिस ताकि ओ ह आघू बढ़ सकें। अभिभावक के तौर म माधुरी ह अपन जिम्मेदारी निभाए के भरपूर कोसिस करिस अउ अपन लईका मन ल बने शिक्षा अउ जीवन म हर परिस्थिति के डट के सामना करे के सीख दीस। एकरे बीच म माधुरी के संघर्ष ल मुख्यमंत्री नोनी सशक्तिकरण योजना के सहारा मिलिस अउ ओ ह अब अपनी बेटी ल आघू पढ़ात हे। नारी सशक्तिकरण योजना के माध्यम ले मिले आर्थिक सहयोग ले माधुरी ग अपन बेटी ल 12वीं के पढ़ई कराईस अउ अब आघू ओकर दाखिला आईटीआई म करवात हे। 
गौरतलब हे कि धमतरी जिला म मुख्यमंत्री नारी सशक्तिकरण योजना के बेहतर क्रियान्वयन ले अभी तक 1 हजार 999 हितग्राही मन ल कुल 3 करोड़ 99 लाख 80 हजार रूपिया के सहायता प्रदान करे गए हे।
Success story
Neha Rathore