दंतेवाड़ा: प्रधानमंत्री-सूर्य घर मुफ्त म बिजली योजना

हितग्राही मन ल हर महीना मिलही 300 यूनिट तक फोकट म बिजली के लाभ

दंतेवाड़ा, 27 फरवरी 2024। प्रधानमंत्री श्री नरेन्द्र मोदी कोति ले “प्रधानमंत्री-सूर्य घर मुफ्त बिजली योजना” के शुरुआत करे गए हे। योजना के तहत् हर महीना 300 यूनिट तक फोकट म बिजली देहे के लक्ष्य हे। एखर तहत घर के छत म ऑनग्रिड सोलर रूफटॉप संयंत्र के स्थापना करे जाही। क्रेडा विभाग के अधिकारी श्री रविकांत भारद्वाज ह बताइस कि एखर से हर महीना 300 यूनिट तक के बिजली के बचत, 78 हजार रू. तक के सब्सिडी के संग सस्ता ब्याज म लोन देहे जाही। ए योजना ले जुड़े के प्रक्रिया अड़बड़ सरल हे। योजना म हितग्राही मन ल मिलइया केन्द्र शासन के अनुदान औसत मासिक विद्युत के खपत (यूनिट) 0-150 तक हे त रूफटॉप सोलर प्लांट क्षमता 1-2 किलोवाट बर अनुदान 30 हजार ले 60 हजार रू., औसत मासिक विद्युत खपत (यूनिट) 150-300 तक हे त रूफटॉप सोलर प्लांट क्षमता 2-3 कि.वॉ. तक अनुदान 60 हजार ले 78 हजार रू. अउ औसत मासिक विद्युत खपत (यूनिट) 300 ले जादा हे त रूफटॉप सोलर प्लांट क्षमता 3 कि.वॉ. तक अनुदान 78 हजार रू. हे। जादा जानकारी बर जिला कार्यालय क्रेडा विभाग कार्यालय के फोन नंबर 07856 299214 म संपर्क करे जा सकत हे। एखर अलावा http://eegistration.pmsuryaghar.gov.in म जा के फारम भरे जा सकत हे।