- पहिली चरण के समय जांच म मिले रहिस 4.60 प्रतिशत मरीज, दूसर चरण म अब तक 1.31 प्रतिशत ही मिले हे
- अभियान के दूसर चरण म अब तक 22.34 लाख मनखे मन के जांच, मलेरिया के संग अनीमिया अऊ कुपोषण मुक्ति के पहल
- भारत सरकार ह घलोक सहराए हे मलेरिया मुक्त बस्तर अभियान ल
रायपुर. 28 जुलाई 2020। बस्तर संभाग म मलेरिया मुक्त बस्तर अभियान के असर दिखे लगे हे। स्वास्थ्य विभाग ह ये साल जनवरी-फरवरी म एखर पहिली चरण के समय 14 लाख मनखे मन ले जादा के जांच करके मलेरिया पॉजिटिव्ह पाए गे मनखे मन के तुरंत इलाज करे रहिन। ओ समय जांच करे 14 लाख छह हजार मनखे मन म ले 64 हजार 646 (4.60 प्रतिशत) मलेरिया पीड़ित पाए गे रहिन। अभी अभियान के दूसर चरण के समय मलेरिया पॉजिटिव्ह पाए गे मनखे मन के संख्या म उल्लेखनीय कमी देखे जात हे। दूसर चरण म अभियान के दायरा बढ़ात पहिली ले जादा क्षेत्र अउ जनसंख्या ल सामिल करके 23 लाख 46 हजार मनखे मन के परीक्षण के लक्ष्य रखे गए हे। ये चरण म अब तक 22 लाख 34 हजार मनखे मन के रक्त के जांच करे गए हे जऊन कि लक्ष्य के 95.23 प्रतिशत हे। एमां ले 1.31 प्रतिशत यानि 29 हजार 275 मनखे मलेरिया पॉजिटिव्ह पाए गए हे।