राजनांदगांव, 28 जुलाई 2020। छत्तीसगढ़ शासन के जनहित अऊ कल्याणकारी नीति मन ले मनखे मन ल फायदा मिले लगे हे। राजनांदगांव जिला के मोहला विकासखंड के मिस्प्री गांव के श्रीमती बीना यादव ल वन अधिकार पट्टा ले जमीन मिले म ओ ह खुश हे। शासन के ये सुग्घर उदीम ले जंगल मन म लघुवनोपज संग्रहण करइया मनखे मन के जिंदगी तको बदलत हे। श्रीमती बीना के बताती ओ ल 50 डिसमिल जमीन मिले हे, जेमा वो अउ वोखर पति श्री जोहित यादव ह धान के फसल लगाए हे। ओकर दू छोटे लइका प्रियंका अऊ दुष्यंत हे, जेला उमन बने सहिन पढ़ाना चाहथें।
वोखर परिवार म वन अधिकार पट्टा के तहत मोहनलाल, पुरुषोत्तम, जागेश्वर ल कुल 2 एकड़ के जमीन मिले हे। श्रीमती बीना ह बताइस कि हम सब जंगल म म महुआ, चार, हर्रा अऊ आन जइसन के वनोपज सकेलथन, उहें कुसुम पेड़ ले लाख ल घलोक सकेलथन। ये हमार आजीविका के साधन हे, फेर अब जमीन उपर अधिकार मिले ले खेती करे ले आमदनी अउ बाढ़ही।