बैंगन के खेती ले मुंगेली जिला के किसान उदय लाल सोनकर समृद्धि कोति बढ़त हे आगू

मुंगेली, जिला के नगर पालिका मुंगेली के जवाहर वार्ड नंबर 11 के किसान उदय लाल सोनकर करीबन 0.500 हेक्टेयर जमीन म बैंगन (भांटा) के खेती करके हर बछर एक ले डेढ़ लाख रूपिया तक के आमदनी कमावत हे। एखर से ओ ह समृद्धि कोति आगू बढ़त हे। श्री सोनकर ह बताइस कि पहिली वो ह सिरिफ धान के खेती करत रहिस। जेखर से वोला बहुतेच कम लाभ होत रहिस। जेखर फलस्वरूप परिवार चलाय म वोला कठिनाई के सामना करना परत रहिस। ये कठिनाई ल दूर करे बर वो ह रबी सीजन म सब्जी के खेती करना चालू करिस। नगर पालिका क्षेत्र होए के सेती वोखर सब्जी के खपत होए लगिस। इही दौरान वोखर सब्जी के खेती ल देखके उद्यान विभाग ह वोला प्रोत्साहित बर उद्यान विभाग के आन योजना मन के लाभ प्रदान करे गीस। जेखर फलस्वरूप वो अपन प्लाट म आधुनिक तकनीक जइसे ड्रिप सिसटम, मल्चिंग शीट आदि अनुदान म प्राप्त करके बैंगन के खेती चालू करिस। जेखर से ओला करीबन 50 हजार ले एक लाख के आमदनी प्राप्त हो गीस। एखर बाद वो ह उद्यान विभाग के सब्जी क्षेत्र विस्तार अंतर्गत करीबन 0.500 हेक्टेयर उन्नत प्रजाति के बैंगन के खेती करिस। जेखर से ओला हर साल एक लाख ले डेढ़ लाख रूपिया के आमदनी होवत हे। जेखर से ओ ह उन्नति कोति आगू बढ़त हे।