जगदलपुर, 01 अगस्त 2024। मुख्यमंत्री श्री विष्णु देव साय ह आज जगदलपुर प्रवास के समय बस्तर ज़िला म एक पेड़ माँ के नाम महावृक्षारोपण अभियान के शुरुआत करिन। ए मौका म उमन महतारी वंदन योजना के हितग्राही मन ल आम के पौधा के वितरण घलोक करिन।
जानबा हे कि प्रधानमंत्री श्री नरेन्द्र मोदी ह विश्व पर्यावरण दिवस के अवसर म एक पेड़ मां के नाम महावृक्षारोपण अभियान के शुभारंभ करे हें। ए अभियान के अंतर्गत देश म सितमबर 2024 तक 80 करोड़ अउ मार्च 2025 तक 140 करोड़ पौधा के रोपण के लक्ष्य हे। एक पेड़ मां के नाम महावृक्षारोपण अभियान के अंतर्गत छत्तीसगढ़ राज्य म 2 करोड़ 75 लाख पौधा के रोपण, वन विभाग कोति ले वन अउ वनेत्तर क्षेत्र मन म 03 करोड़ 95 लाख 85 हजार पौधा के रोपण करे जात हे।