प्रदेशव्यापी अभियान के तहत 33 जिला मन म होही 4 करोड़ वृक्ष के रोपण
एक पेड़ मां के नाम लगाय मुख्यमंत्री ह प्रदेशवासी मन ले करे गीस आह्वान
नवा रायपुर के जैवविविधता पार्क म स्कूली लइका मन, सीआरपीएफ जवान मन, पुलिस अऊ वन विभाग के अधिकारी-कर्मचारी मन ह लगाइन पेड़
मुख्यमंत्री ह ओपन जिप्सी म भ्रमण करके अभियान म भाग लेवत मनखे मन के करिन उत्साहवर्धन
रायपुर, 11 जुलाई 2024। मुख्यमंत्री श्री विष्णु देव साय ह आज नवा रायपुर के अटल नगर स्थित जैव विविधता पार्क म ‘एक पेड़ मां के नाम’ महावृक्षारोपण अभियान-2024 के शुभारंभ करिन। मुख्यमंत्री श्री साय ह पूर्ण विधि विधान ले पूजन करके पीपल के पौधा के रोपण करके महावृक्षारोपण अभियान के शुरुआत करिन। मुख्यमंत्री कोति ले अभियान के बैनर जारी करे गीस। ए अभियान के तहत वन विभाग कोति ले प्रदेशभर म 4 करोड़ वृक्ष लगाये जाही। एकरे अंतर्गत आज प्रदेश के 33 जिला मन म कुल 4 लाख पेड़ लगाए गीस। आज महावृक्षारोपण अभियान के शुभारंभ के मौका म जैव विविधता पार्क म मुख्यमंत्री श्री साय के संग सबो कैबिनेट मंत्रीगण, स्कूली लइका मन, सीआरपीएफ के जवान मन, पुलिस अऊ वन विभाग के अधिकारी-कर्मचारी मन ह 20 हजार पेड़ लगाइन। मुख्यमंत्री श्री साय ह ओपन जिप्सी म वृक्षारोपण क्षेत्र के भ्रमण करके अभियान म भाग लेवत मनखे मन के उत्साह वर्धन करिन।