मुख्यमंत्री श्री विष्णुदेव साय ह प्रदेशवासी मन ले करिन अपील
’’एक पेड़ मां के नाम’’ अभियान म सामिल होके छत्तीसगढ़ महतारी के गोद ल हरा-भरा बनाए म देवव अपन योगदान
रायपुर 10 जुलाई 2024। प्रधानमंत्री श्री नरेन्द्र मोदी के अपील म अंतरराष्ट्रीय पर्यावरण दिवस के दिन ले पूरा देश म एक पेड़ माँ के नाम अभियान के शुरुआत हो गे हे। मुख्यमंत्री श्री विष्णुदेव साय ह अपन माता जी के सम्मान म राजधानी रायपुर म दहीमन अऊ गृह ग्राम बगिया म रुद्राक्ष के पौधा रोपे हें। श्री साय ह प्रदेश वासी मन ले अपील करे हें के ए अभियान म जादा ले जादा सामिल होके छत्तीसगढ़ महतारी के गोद ल हरा-भरा बनाए म अपन योगदान देवव।
राज्य शासन के जनसंपर्क संचालनालय कोति ले अभियान के व्यापक प्रचार-प्रसार बर सोशल मीडिया म एक पेड़ माँ के नाम प्रोफाइल पिक्चर फ्रेम अभियान के शुरुआत करे गए हे। एखर तहत आप मन अपन आवास आँगन, खेत म अपन माता जी के संग या माता जी के स्मृति म पौधा लगात अपन फोटू लेवव। एखर बाद अपन फोटू के संग एक पेड़ माँ के नाम प्रोफाइल पिक्चर फ्रेम लगाय बर देहे गये कड़ी https://twb.nz/plantation ल किलिक करव। एखर बाद प्रोफाइल पिक्चर डाउनलोड कर अपन सोशल मीडिया व्हाट्सएप/एक्स/फ़ेसबुक/इंस्टाग्राम/स्नैपचैट आदि म डिस्प्ले के रूप म लगावव। आप मन अपन सोशल मीडिया के प्रोफाइल पिक्चर के संग “एक पेड़ माँ के नाम” प्रोफाइल फ्रेम लगाके ए अभियान म भाग लेके पर्यावरण संरक्षण के प्रति मनखे मन ल जागरूक करे म अपन बहुमूल्य योगदान दे सकत हव।
