एकलव्य आदर्श आवासीय विद्यालय मन म काम करत अधिकारी-कर्मचारी मन ल मिलही सातवां वेतनमान

डॉ. प्रेमसाय सिंह टेकाम के अध्यक्षता म राज्य स्तरीय आदिम जाति कल्याण, आवासीय अऊ आश्रम शैक्षणिक संस्थान समिति के संचालक मंडल के बैठक
रायपुर, आदिम जाति अऊ अनुसूचित जाति विकास मंत्री डॉ. प्रेमसाय सिंह टेकाम के अध्यक्षता म आज मंत्रालय महानदी भवन म आयोजित राज्य स्तरीय आदिम जाति कल्याण, आवासीय अऊ आश्रम शैक्षणिक संस्थान समिति के संचालक मंडल के बैठक म राज्य म संचालित एकलव्य आदर्श विद्यालय मन म कार्यरत अधिकारी-कर्मचारी मन ल सातवां वेतनमान प्रदान करे के अनुमोदन करे गीस। सातवां वेतनमान प्रदान करे के अनुमोदन ले इहां कार्यरत अधिकारी-कर्मचारी मन के लंबित मांग पूरा होही। सातवां वेतन के लाभ अभी हाल म कार्यरत 209 कर्मचारी मन ल मिलही।
संचालक मंडल के बैठक म निर्णय ले गीस कि एकलव्य विद्यालय मन म अध्ययनरत लइका मन ल प्रतियोगी परीक्षा मन म इंजिनियरिंग, मेडिकल अऊ आन के तैयारी मन बर कक्षा 12वीं के बोर्ड परीक्षा के बाद विशेष कोचिंग (क्रेस कोर्स) प्रदान करे जाही।
एकलव्य आदर्श आवासीय विद्यालय के संचालन बर केन्द्र सरकार के जनजातीय काम मंत्रालय कोति ले राष्ट्रीय शिक्षा सोसायटी के गठन करे गए हे। छत्तीसगढ़ राज्य ल घलोक राष्ट्रीय समिति ले जोड़े बर अनुबंध (एमओयू) के अनुमोदन करे गीस। एखर माध्यम ले प्रदेश म एकलव्य आदर्श आवासीय विद्यालय संचालन करइया संस्था मन घलोक राष्ट्रीय शिक्षा समिति ले संघर जाही।