लइका मन म विलक्षण प्रतिभा, अंतर्राष्ट्रीय प्रतियोगिताओं म घलोक प्रदेश के नाम रोशन करहीं : सुश्री उइके

रायपुर, राज्यपाल सुश्री अनुसुईया उइके ह आज राजभवन के दरबार हाल म एकलव्य आवासीय विद्यालय के राष्ट्रीय खेल महोत्सव के विजयी लइका मन ले मुलाकात करिन अऊ ओ मन ल सम्मानित करिन। उमन खिलाड़ी मन ल शुभकामना दीन अऊ कहिन कि ये खुशी के बात हे कि राष्ट्रीय स्तर के प्रतियोगिता म हमार प्रदेश के खिलाड़ी मन ह अच्छा स्थान बनाए हें अऊ पदक घलोक जीते हें। मोला विश्वास हे कि ए लइका मन म घलोक विलक्षण प्रतिभा हे, इही लइका अंतर्राष्ट्रीय स्तर के प्रतियोगिता मन पदक जीतहीं अऊ प्रदेश के नाम रोशन करहीं। उमन कहिन कि ये पहली पइत हे जब ए मन ल राजभवन आए के अवसर मिले हे, फेर अइसन अवसर बार-बार आत रहिही अऊ उंखर से मुलाकात होत रइही। ए मन ल कोनो प्रकार के समस्या हे त उंखर ये स्तर म घलोक समाधान करे के हरसंभव प्रयास करे जाही।